Author: નોબત સમાચાર
શહેરમાં ગંજીપાનાથી જુગાર રમતા છ મહિલા સહિત નવ ઝબ્બે
લાલપુરના ચોરબેડીમાં પાંચ પત્તાપ્રેમી પકડાયા, બે ફરારઃ
જામનગર તા. ૨૬ઃ જામનગરના ગોકુલનગર પાસે રડાર રોડ પર ગઈકાલે રાત્રે ગંજીપાનાથી જુગાર રમતા છ મહિલા સહિત નવને પોલીસે પકડી પાડ્યા હતા. જ્યારે લાલપુરના ચોરબેડી ગામમાં સ્ટ્રીટલાઈટના અજવાળે ગંજીપાના કૂટતા પાંચ શખ્સ પોલીસની ગિરફતમાં આવ્યા હતા અને બે નાસી ગયા હતા. બંને સ્થળેથી કુલ રૃા.૪૦ હજારનો મુદ્દામાલ કબજે કરવામાં આવ્યો છે.
જામનગરના ગોકુલનગર વિસ્તારમાં રડાર ગેઈટ પાસે ગઈકાલે રાત્રે જાહેરમાં જુગાર રમાતો હોવાની બાતમી પરથી સિટી-સી ડિવિઝનના સ્ટાફે દરોડો પાડતા ત્યાં ગંજીપાના વડે જુગાર રમતા સુનીતાબેન મોહનભાઈ મકવાણા, રંજનબેન રાજુભાઈ કુડેચા, સીતાબેન રાજેશભાઈ કોળી, અંજુબેન દીપકભાઈ રાઠોડ, ધીરૃબેન ભાયાભાઈ ઓડીચ, કિરણબેન બાવનજીભાઈ ડાભી, ભીખુભાઈ પોલાભાઈ ડાંગર, જયંતિભાઈ સવસીભાઈ પારેજીયા, સાગર રતીલાલ આરઠીયા નામના નવ વ્યક્તિ મળી આવ્યા હતા. પોલીસે પટમાંથી રૃા.૩૨૨૮૦ રોકડા કબજે કર્યા છે.
લાલપુર તાલુકાના ચોરબેડી ગામમાં ગઈરાત્રે સ્ટ્રીટ લાઈટના અજવાળે ગંજીપાના કૂટતા સોમાભાઈ હરદાસ વસરા, નિલેશ કાનાભાઈ વસરા, કાસમ સુલેમાન સમા, શબ્બીર હારૃન કુરેશી, ગોવિંદ ખીમાભાઈ વસરા નામના પાંચ શખ્સ પોલીસના દરોડામાં ઝડપાઈ ગયા હતા. જ્યારે મેરામણ ભુરાભાઈ વસરા, દીપક કાળુભાઈ વસરા નામના બે શખ્સ નાસી ગયા હતા. પોલીસે રૃા.૮૨૦૦ રોકડા કબજે કરી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
