Author: નોબત સમાચાર
સમરસ હોસ્ટેલ પાસે ખુંટીયાની ઠોકરે ચડેલા યુવાનનું મૃત્યુઃ એક સારવારમાં
શુક્રવારની રાત્રે બાઈક સાથે ટકરાયો હતો ખુંટીયોઃ
જામનગર તા. ૨૬ઃ જામનગરના ઠેબા બાયપાસથી આગળ આવેલી સમરસ હોસ્ટેલ પાસે શુક્રવારની રાત્રે બે સગા ભાઈના બાઈક સાથે રસ્તે રઝળતો ખુંટીયો અથડાઈ પડતા બંને યુવાન ઘવાયા હતા. નાનાભાઈનું સારવારમાં મૃત્યુ નિપજ્યું છે. મોટાભાઈને સારવાર આપવામાં આવી રહી છે. પોલીસે મૃતકના પિતાનું નિવેદન નોંધી આગળની કાર્યવાહી કરી છે.
જામનગરના કિસાનચોક વિસ્તાર નજીકની બાઈની વાડી પાસે આંબેડકરવાસમાં રહેતા કાનજીભાઈ ઘેલાભાઈ સોલંકી નામના પ્રૌઢના પુત્ર મહેશભાઈ (ઉ.વ.૧૮) તથા મોટા પુત્ર પ્રકાશભાઈ (ઉ.વ.ર૧) ગયા શુક્રવારે રાત્રે જીજે-૧૦-ડીએલ ૯૬૮૫ નંબરના બાઈકમાં ખીજડિયા બાયપાસથી ઠેબા બાયપાસ તરફ જતાં હતા.
આ બંને ભાઈઓ જામનગર-રાજકોટ ધોરીમાર્ગ પર જાંબુડા ગામના પાટિયા પાસે એક કારખાનામાં મજૂરી કામ કરતા હતા. ત્યાંથી છૂટ્યા પછી ઘેર પરત જતાં બંને ભાઈઓના બાઈકને રાત્રે દસેક વાગ્યે સમરસ હોસ્ટેલ નજીક અકસ્માત નડ્યો હતો.
સામેથી દોડી આવતા ખુંટીયા સાથે તેમનું બાઈક ટકરાઈ પડતાં પ્રકાશભાઈ તથા મહેશભાઈ ફેંકાઈ ગયા હતા. બંનેને સારવાર માટે જી.જી. હોસ્પિટલમાં ખસેડવામાં આવ્યા પછી પેટ તથા માથામાં ગંભીર ઈજા પામેલા મહેશભાઈનું મૃત્યુ નિપજ્યું છે. પ્રકાશભાઈને સારવાર આપવામાં આવી રહી છે. મૃતકના પિતા કાનજીભાઈએ પોલીસને જાણ કરી છે. પંચકોશી-એ ડિવિઝન પોલીસ સ્ટેશનના જમાદાર એચ.જી. જાડેજાએ બનાવની નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
