Author: નોબત સમાચાર
જામનગરમાંથી કાર ચોરીને ભાગતા શખ્સને ધ્રોલ પોલીસે ફિલ્મીઢબે દબોચ્યો
દોડાદોડીમાં ફોજદારને હાથમાં થઈ ઈજાઃ
જામનગર તા. ૨૬ઃ જામનગરમાંથી આજે સવારે એક શખ્સ મોટર ચોરી કરીને નાસી ગયો હતો. તેનો પોલીસે ફિલ્મી ઢબે પીછો શરૃ કર્યા પછી આ શખ્સને જોડિયા ધોરીમાર્ગ પરથી ધ્રોલ પોલીસે જીપ આડી નાખીને પકડી લીધો હતો. આ નાસભાગમાં ધ્રોલના ફોજદારને હાથમાં સામાન્ય ઈજા થઈ છે.
જામનગર શહેરમાંથી જીજેે-૧૦-બીઆર ૯૯૧૨ નંબરની સ્વીફ્ટ ડિઝાયર મોટર ચોરીને એક શખ્સ નાઠો હતો તેની પોલીસને જાણકારી અપાતા સિટી-સી ડિવિઝનના પોલીસ કાફલાએ આ શખ્સનો પીછો શરૃ કર્યાે હતો.
તે દરમિયાન આ શખ્સ રાજકોટ ધોરીમાર્ગ પર નાસી છૂટ્યો હોવાની વિગતો મળતા ધ્રોલ પોલીસ સ્ટેશનના સ્ટાફે તેની વિગતો આપવામાં આવી હતી. જેના પગલે ધ્રોલ પોલીસ મથકના પીએસઆઈ પી.જી. પનારા તથા સ્ટાફે જામનગર- ધ્રોલ તેમજ ધ્રોલથી જોડિયા તરફના રોડ પર નાકાબંધી કરી હતી. તે દરમિયાન જોડિયા ધોરીમાર્ગ પરથી ઉપરોક્ત મોટર આવતી જોવા મળતા પોલીસે જીપ આડી નાખી મોટર ઉભી રખાવી હતી.
આ વેળાએ સર્જાયેલા ફિલ્મી દૃશ્યોના અંતે તે મોટર ચોરીને ભાગી જતો શખ્સ પોલીસની ગિરફતમાં આવ્યો હતો. ભાગાદોડીમાં ધ્રોલના પીએસઆઈ પનારાને હાથમાં સામાન્ય ઈજા થઈ છે. આ શખ્સ તથા મોટરને જામનગર લાવવામાં આવ્યા છે.
ઉપરોક્ત શખ્સ જામનગરમાંથી જ્યારે મોટર લઈને નાસી રહ્યો હતો ત્યારે પોલીસે તેને રોકવાનો પ્રયાસ ક કર્યાે હતો પરંતુ આ શખ્સ મોટરને પુરપાટ ઝડપે ભગાડી ગયો હતો અને પોલીસે તેનો પીછો શરૃ કર્યાે હતો. તે પછી જોડિયા રોડ પરથી ધ્રોલ પોલીસે તેને આંતરી લેવામાં સફળતા મેળવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
