Author: નોબત સમાચાર
જોડિયા તાલુકાના લીંબુડામાં જનભાગીદારી થકી વિવિધ સ્વચ્છતાલક્ષી કાર્યક્રમોનો પ્રારંભ
વૃક્ષારોપણ-સ્વચ્છતા રેલીની સાથે-સાથે
જામનગર તા. રપઃ જોડિયા તાલુકાના સ્વચ્છતા હી સેવા, સેવા સેતુ એક પેડ મા કે નામ કાર્યક્રમનો શુભારંભ મહાનુભાવોની ઉપસ્થિતિમાં કરવામાં આવ્યો હતો. રાષ્ટ્રપિતા મહાત્મા ગાંધીજીની આગામી જન્મ જયંતી નિમિત્તે સ્વચ્છતા હી સેવા આંદોલનમાં જન ભાગીદારી થકી વિવિધ સ્વચ્છતાલક્ષી કાર્યક્રમો હાથ ધરવામાં આવ્યા છે. મંચસ્થ મહેમાનોના હસ્તે દીપ પ્રાગટ્ય વડે કાર્યક્રમની શરૂઆત કરાઈ હતી.
લીંબુડા ગામની પ્રાથમિક શાળામાં આયોજિત આ કાર્યક્રમમાં રાજ્ય સરકારની વિવિધ પ્રકારની સેવાઓ માટે કુલ ૧૦૭૦ લોકોની અરજીઓનો હકારાત્મક નિકાલ સ્થળ પર જ આપવામાં આવ્યો હતો. કાર્યક્રમના અંતમાં એક પેડ મા કે નામ અભિયાન અંતર્ગત વૃક્ષારોપણ કરવામાં આવ્યું હતું અને સ્વચ્છતા રેલીનું આયોજન કરવામાં આવ્યું હતું.
ઉક્ત કાર્યક્રમમાં સમારોહના અધ્યક્ષ અને મદદનીશ કલેક્ટર ધ્રોળ, જોડિયા તાલુકા પંચાયત પ્રમુખ શ્રીમતી રસીલાબેન ચનિયારા, એ.પી.એમ.સી. ડાયરેક્ટર જીતુભાઈ ગાંભવા, જોડિયા મામલતદાર, જોડિયા તાલુકા વિકાસ અધિકારી, લોક આગેવાનો, જોડિયા તાલુકા પંચાયતના અધિકારીગણ, કર્મચારીગણ, લીંબુડા ગામના સરપંચ, લીંબુડા ગામ પંચાયતના સદસ્યો, આજુબાજુના ગામના અરજદારો, શાળા પરિવારના મિત્રો અને બહોળી સંખ્યામાં ગ્રામજનો હાજર રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
