સૌરાષ્ટ્ર કક્ષાના પ્રદેશ યુવા ઉત્સવમાં હાલારના કલાકારો ઝળકયાઃ અનેક સ્પર્ધાઓમાં વિજેતા

Author: નોબત સમાચાર

સૌરાષ્ટ્ર કક્ષાના પ્રદેશ યુવા ઉત્સવમાં હાલારના કલાકારો ઝળકયાઃ અનેક સ્પર્ધાઓમાં વિજેતા

અમરેલીમાં કે.કે. પારેખ અને મહેતા વિદ્યાલયમાં યોજાયેલા

ખંભાળિયા તા. ૨૬ઃ સૌરાષ્ટ્ર પ્રદેશ કક્ષાનો યુવા ઉત્સવ અમરેલીના તા. ૨૩-૨૪ નવેમ્બર યોજાયેલા આ યુવા પ્રતિભા ઉત્સવમાં હાલારના જામનગર, દ્વારકા જિલ્લાના કલાકારો ઝળકયાં હતા તથા જિલ્લાને ગૌરવ અપાવ્યું હતું.

એક પાત્રિય અભિનય અ વિભાગમાં ડી.કે.વી. કોલેજના પંડયા જાનવી પી. પ્રથમ ક્રમે વિજેતા થયા હતા. જયારે બ વિભાગમાં ઉમરાળિયા મીત તૃતીય સ્થાને આવ્યા હતાં. નિબંધ બ વિભાગમાં જામનગરના ત્રિવેદી હિમાની તૃતીય નંબરે આવેલ. શાસ્ત્રીય કંઠય સંગીત હિન્દુસ્તાની સ્પર્ધામાં ધ્રોલની જી.એમ. પટેલની વિદ્યાર્થિની યાડમીયા ભવાનીએ તૃતીય સ્થાને આવેલ. જયારે લોકગીત મુખ્ય વિભાગમાં જામનગરની અસવાર ભૂમિ પ્રથમક્રમે આવેલ. શાસ્ત્રીય નૃત્ય કુચીપુડી મુખ્ય વિભાગમાં સત્યસાઈ જામનગરની ભટ્ટાચાર્ય મિતાલી પ્રથમ, જેવા પ્રિયાંશી તૃતીય આવી હતી. ભરત નાટયમ સ્પર્ધામાં પી.વી. મોદી શાળાની જાડેજા દેવશી આર. વાંસળી સ્પર્ધામાં મુખ્ય વિભાગમાં ખંભાળિયા દીનદેવી કલા કેન્દ્રના ગોસાઈ કેદારગીરી રાજેશગીરી પ્રથમ ક્રમે આવેલ જયારે તૃતીય નંબરે જી.એમ. પટેલ ધ્રોલની વામજા ક્રિષ્ણા એમ. આવેલ.

હારમોનિયમ સ્પર્ધામાં જામનગર પી.વી. મોદીના ચાંદગરા શુભમ તૃત્તીય ક્રમે, તબલા સ્પર્ધામાં દ્વિતીય સ્થાને જામનગર સંગીત સાધના મંદિરના ભટ્ટ કબીર વિજેતા થયા હતાં. ડિકલેમેશન સ્પર્ધામાં પ્રથમ ક્રમે સરકારી ડેન્ટલ કોલેજના ભલાણી પેલ્સી, સ્ટોરી ટાયપીંગમાં પી.વી. મોદીની ચંદારાણા ઝીલ દ્વિતીય ક્રમે, -શીઘ્ર વકતૃત્વ વિભાગમાં જામનગરના શર્મા આકાશ દ્વિતીય ક્રમે રહ્યા હતાં. લોકનૃત્યમાં ત્રીજા નંબરે ધ પટેલ સ્કૂલ ધ્રોલ વિજેતા થઈ હતી.

જો આપને આ પોસ્ટ ગમી હોય તો શેર કરો...