Author: નોબત સમાચાર
પવનચક્કી પાસે મકાનમાં ગાંજાનું વેચાણ કરતો શખ્સ ૧૪૩૯ ગ્રામ ગાંજા સાથે ઝબ્બે
બનાસકાંઠાથી વેચવા માટે લાવતો હોવાની કબૂલાતઃ
જામનગર તા. ૨૪: જામનગરના પવનચક્કી વિસ્તારમાં પોતાના મકાનમાં ગાંજાનું વેચાણ કરતા એક શખ્સને એસઓજીએ દબોચી લીધો છે. આ શખ્સે ૧૪૩૯ ગ્રામ ગાંજો કાઢી આપ્યો છે. તેણે આ જથ્થો બનાસકાંઠા જિલ્લાના અમીરગઢ ગામના શખ્સ પાસેથી વેચવા માટે લીધો હોવાની કબૂલાત કરી છે.
જામનગરના પવનચક્કી વિસ્તારમાં એક શેરીમાં ગાંજાનું વેચાણ થઈ રહ્યું હોવાની બાતમી એસઓજીના દિનેશ સાગઠીયા, વિરેન્દ્રસિંહ, બલભદ્રસિંહને મળતા પીઆઈ બી.એન. ચૌધરીને વાકેફ કરાયા પછી ગઈકાલે સાંજે એસઓજી સ્ટાફે પવનચક્કી નજીક હિંગળાજ ચોક પાસે મીલવાળી ગલીમાં જગદીશ મોહનભાઈ પરમાર ઉર્ફે જગા નામના શખ્સના મકાનમાં દરોડો પાડ્યો હતો.
તે મકાનની તલાશી લેવાતા ત્યાંથી ૧ કિલો ૪૩૯ ગ્રામ ગાંજા સાથે જગદીશ ઝડપાઈ ગયો હતો. આ શખ્સ બનાસકાંઠાના અમીરગઢ ગામના રાકેશ અગ્રવાલ નામના શખ્સ પાસેથી ગાંજો મંગાવી તેનું વેચાણ કરતો હોવાનું ખૂલ્યું છે. એસઓજીએ રૃા.૧૪,૩૯૦ નો ગાંજો, એક મોબાઈલ મળી કુલ રૃા.૨૪,૩૯૦નો મુદ્દામાલ કબજે કર્યાે છે અને બંને શખ્સ સામે એનડીપીએસ એક્ટ હેઠળ સિટી એ ડિવિઝન પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
