Author: નોબત સમાચાર
ધ્રોલ પાસે બે મોટરમાં દારૂનું કટીંગ કરતા સાત શખ્સ ઝબ્બેઃ દોઢ લાખનો મુદ્દામાલ
૭૨ બોટલ, બે મોટર, પાંચ મોબાઈલ કબજેઃ
જામનગર તા. ૨૪: ધ્રોલમાં ગઈકાલે સ્થાનિક પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં હે.કો. રાજેશ મકવાણા, હરદેવસિંહને બાતમી મળી હતી કે, સ્વામી નારાયણ પાર્ક નજીક એક મંદિર પાસે ખરાબામાં અંગ્રેજી શરાબનું કેટલાક શખ્સો કટીંગ કરી રહ્યા છે.
તે બાતમીથી પીએસઆઈ પી.જી. પનારાને વાકેફ કરાયા પછી રાત્રે બારેક વાગ્યે પોલીસે તે સ્થળે દરોડો પાડતા ત્યાં જીજે-૧૪-એચએન ૪૫૦૯ નંબરની હોન્ડા સિટી મોટર, જીજે-૩૩-એફ ૧૯૬૧ નંબરની અલ્ટો મોટરમાં દારૂનું કટીંગ કરી રહેલા વિપુલ ગોપાલભાઈ ગોલતર, રામદેવ ગીરી શંભુગીરી ગોસ્વામી, ક્રિપાલસિંહ ભરતસિંહ રેવર, વિજયસિંહ ચંદ્રસિંહ રેવર, ભગીરથસિંહ રણજીતસિંહ રેવર નામના લીંબડી તાલુકાના બોડીયા ગામના પાંચ શખ્સ અને ધ્રોલનો પૂના હેમાભાઈ ઝાપડા, યાસીન અબ્બાસ જસરાયા મળી આવ્યા હતા.
આ શખ્સો પાસેથી અંગ્રેજી શરાબની બે બ્રાંડની ૭ર બોટલ કબજે કરવામાં આવી છે. પોલીસે બે મોટર, દારૂનો જથ્થો, પાંચ મોબાઈલ મળી કુલ રૃા.૧ લાખ ૬૬ હજારનો મુદ્દામાલ કબજે કર્યાે છે.
જામનગરના કૃષ્ણનગર પાસે એક જવેલર્સની દુકાન નજીક ગઈરાત્રે જયેશ દેવશીભાઈ ધોકીયા અને રાજદીપ કાનજીભાઈ પરડવા નામના બે શખ્સ દારૂની અડધી બોટલ સાથે ઝડપાઈ ગયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
