જામનગરના પોલીસ હેડક્વાર્ટરમાં રાજકોટ રેન્જ ડીઆઈજી કપ રાત્રિ પ્રકાશ ક્રિકેટ ટુર્નામેન્ટ યોજાઈ

Author: નોબત સમાચાર

જામનગરના પોલીસ હેડક્વાર્ટરમાં રાજકોટ રેન્જ ડીઆઈજી કપ રાત્રિ પ્રકાશ ક્રિકેટ ટુર્નામેન્ટ યોજાઈ

ફાયનલ મેચમાં રેન્જ આઈજીપી અશોક કુમાર યાદવની બેટધર તરીકે ફટકાબાજીથી સૌ કોઈ રહી ગયા દંગઃ ટ્રોફી એનાયત કરાઈ

જામનગર તા. ૬: જામનગરના પોલીસ હેડક્વાર્ટરમાં રાજકોટ રેન્જ ડીઆઈજી કપ ક્રિકેટ ટુર્નામેન્ટનું આયોજન થયું હતું, જેમાં આઈ.જી.પી. અશોક કુમાર યાદવની અધ્યક્ષતામાં સમગ્ર રેન્જની ૧૬ ક્રિકેટ ટીમોએ રાત્રિ પ્રકાશ ક્રિકેટ ટુર્નામેન્ટમાં ભાગ લીધો હતો. જામનગર અને સુરેન્દ્રનગરની ટીમ વચ્ચેના ફાઈનલ મેચમાં સુરેન્દ્રનગરની ટીમનો વિજય થયો હતો. આઈજીપી સહિતના અધિકારીઓ દ્વારા ટ્રોફી એનાયત થઈ હતી.

જામનગરના પોલીસ હેડ ક્વાર્ટરમાં રાજકોટ રેન્જના આઈ.જી.પી. અશોક કુમાર યાદવની અધ્યક્ષતામાં ડીઆઈજી કપ પ્રકાશ ક્રિકેટ ટુર્નામેન્ટનું આયોજન કરવામાં આવ્યું હતું, જેમાં સમગ્ર રાજકોટ રેન્જ હેઠળ આવતા તમામ જિલ્લાની ૧૬ ટીમોએ ભાગ લીધો હતો.

જેમાં સુરેન્દ્રનગર અને જામનગરની ટીમ ફાઈનલમાં પહોંચી હતી. જેમાં સુરેન્દ્રનગરની ટીમનો વિજય થયો હતો, અને આઈજીપી અશોક કુમાર યાદવ સહિતના ઉચ્ચ અધિકારીઓના હસ્તે વિજેતા ટીમને ટ્રોફી એનાયત થઈ હતી.

જામનગરના પોલીસ હેડ ક્વાર્ટરમાં છેલ્લા એક સપ્તાહથી રાજકોટ રેન્જના આઈ.જી.પી. અશોક કુમાર યાદવની અધ્યક્ષતામાં ડી.આઈ.જી. કપ રાત્રિ પ્રકાશ ક્રિકેટ ટુર્નામેન્ટનું આયોજન કરવામાં આવ્યું હતું. રાજકોટ રેન્જ હેઠળ અલગ ૧૬ ક્રિકેટ ટીમો બનાવી હતી. તમામ જિલ્લાના ડીવાયએસપીની અધ્યક્ષતામાં બનાવેલી ૧૬ ક્રિકેટ ટીમો વચ્ચે છેલ્લા એક સપ્તાહ દરમિયાન પોલીસ હેડક્વાર્ટરમાં રાત્રિ પ્રકાશ ક્રિકેટ ટુર્નામેન્ટ રમાઈ હતી.

જેમાં જામનગરની ટીમ અને સુરેન્દ્રનગરની ટીમ ફાઈનલમાં પહોંચી હતી. જે બન્ને ટીમ વચ્ચે ગઈકાલે પોલીસ હેડક્વાર્ટરમાં ફાઈનલ મેચ રમાયો હતો. જે ફાઈનલ મેચમાં સુરેન્દ્રનગરની ટીમ વિજેતા બની હતી. જેને ડી.આઈ.જી. કપ એનાયત કરાયો હતો.

રાજકોટ રેન્જના આઈ.જી.પી. અશોક કુમાર યાદવ ઉપરાંત પાંચ જિલ્લાના એસપી જેમાં જામનગરના એસપી પ્રેમસુખ ડેલુ, રાજકોટ રેન્જના એસપી અને હાલ પ્રમોશન પામેલા જયદીપસિંહ રાઠોડ, દેવભૂમિ દ્વારકાના એસપી નીતિશ કુમાર પાંડે, સુરેન્દ્રનગરના એસ.પી. ડો. ગિરીશ પંડ્યા અને મોરબીના એસ.પી. રાહુલ ત્રિવેદી ઉપસ્થિત રહ્યા હતાં, અને અન્ય વિજેતા ખેલાડીઓને પણ પ્રોત્સાહિત કર્યા હતાં, અને ક્રિકેટ ટુર્નામેન્ટનું સમાપન કરાયું હતું.

રાજકોટ રેન્જના બાહોશ અધિકારી જામનગરમાં 'બેટધર' બન્યા

જામનગરના પોલીસ હેડક્વાર્ટરમાં રાજકોટ રેન્જ ડી.આઈ.જી. કપ ક્રિકેટ ટુર્નામેન્ટ યોજાઈ હતી. જેનો ફાઈનલ મેચ પોલીસે ગઈકાલે રમાયો હતો. ગઈકાલે વિશ્વ પર્યાવરણ દિવસ હોવાના કારણે રેન્જ આઈ.જી.પી. અશોક કુમાર યાદવના હસ્તે વૃક્ષારોપણ કરાયું હતું.

ડીઆઈજી કપના ફાઈનલ મેચમાં રાજકોટ રેન્જના બાહોશ અધિકારી અશોક કુમાર યાદવ ક્રિકેટના સ્વાંગમાં જોવા મળ્યા હતાં, અને હાથમાં બેટ લઈને તેઓ 'બેટધર' તથા ક્રિકેટર બન્યા હતાં, અને ક્રિકેટની પીચ પર ઊભા રહીને કેટલીક ફટકાબાજી પણ કરી હતી. જે નિહાળીને રાજકોટ રેન્જના તમામ જિલ્લાના અન્ય પોલીસ અધિકારી તથા ક્રિકેટ ટુર્નામેન્ટમાં જોડાયેલા અન્ય પોલીસ કર્મચારી ક્રિકેટરો દંગ રહી ગયા હતાં.

જો આપને આ પોસ્ટ ગમી હોય તો શેર કરો...