Author: નોબત સમાચાર
બર્ધનચોકમાં પરિવારથી વિખૂટી પડી ગયેલી બાળકીનો પરિવાર સાથે મિલાપ
ગણતરીની મિનિટોમાં પોલીસે માતા વગેરેને શોધ્યાઃ
જામનગર તા. ૧૦ઃ જામનગરના બર્ધનચોકમાં ખરીદી માટે સિક્કાથી આવેલા પરિવારની ત્રણ વર્ષની બાળકી વિખૂટી પડી ગયા પછી એક યુવાનને તે બાળકીનો સંપર્ક થયો હતો. આ યુવાને પોલીસને તેની જાણ કર્યા પછી ગણતરીની મિનિટોમાં તે બાળકીના પરિવારને શોધી કાઢી પોલીસે બાળકી સોંપી આપી હતી.
જામનગર તાલુકાના સિક્કા ગામમાં રહેતા એક પરિવારની ત્રણ વર્ષની બાળકી પોતાના માતા, કાકા તથા નાની સાથે ખરીદી માટે જામનગર આવી હતી. આ બાળકીના વાલીઓ બર્ધનચોક વિસ્તારમાં ખરીદી કરી રહ્યા હતા ત્યારે આ બાળકી કોઈ રીતે પરિવારથી વિખૂટી પડી ગઈ હતી.
બાજુમાં જ આવેલી એક દુકાન પાસે ઉભી રહી તે બાળકી રડતી હતી ત્યારે ત્યાં કામ કરતા એજાઝ સુમરા નામના યુવાને તેણીને જોઈ પોલીસનો સંપર્ક કર્યાે હતો. સિટી-એ ડિવિજનના પીઆઈ એન.એ. ચાવડાના માર્ગદર્શન હેઠળ સર્વેલન્સ સ્ટાફ તથા પોલીસની શી ટીમે આ બાળકીના વાલીઓની શોધ શરૃ કરી હતી.
તે પછી ગણતરીની મિનિટોમાં આ બાળકીના પરિવારને શોધી કાઢવામાં આવ્યો હતો. પોલીસ મથકે દોડી આવેલા બાળકીના માતા, કાકા તથા નાનીને તેણીનો કબજો સોંપાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
