Author: નોબત સમાચાર
ખંભાળિયા પાસે ધોરીમાર્ગ પર જીવના જોખમે સ્ટંટ કરતા ૧૩ 'જાંબાઝ' સામે કાર્યવાહી
ટ્રાફિક શાખાએ બાઈક ડીટેઈન કર્યાઃ
ખંભાળિયા તા. ૩: ખંભાળિયા-જામનગર ધોરીમાર્ગ પર રાત્રિના સમયે બાઈકની રેસ લગાડી સ્ટંટ કરતા તેર શખ્સને ટ્રાફિક શાખાએ પકડી પાડી કાયદાનું ભાન કરાવ્યું છે. આ શખ્સોના બાઈક ડીટેઈન કરી લેવાયા છે.
ખંભાળિયાથી જામનગર વચ્ચેના ધોરીમાર્ગ પર કેટલાક શખ્સો વાહનની રેસ લગાડી પોતાની તથા અન્યની જિંદગી પર જોખમ સર્જી રમત કરતા હોવાની વિગતો પોલીસ સુધી પહોંચ્યા પછી ગઈકાલે દેવભૂમિ દ્વારકા જિલ્લા ટ્રાફિક શાખા દ્વારા પીએસઆઈ વી.એમ. સોલંકીના વડપણ હેઠળ રાત્રિ પેટ્રોલિંગ કરવામાં આવ્યું હતું. તે દરમિયાન ખંભાળિયાથી જામનગર તરફના ધોરીમાર્ગ પર પુરપાટ ઝડપે પસાર થયેલા તેર જેટલા મોટરસાયકલને વારાફરતી રોકી લેવામાં આવ્યા હતા. આ શખ્સો સ્ટંટ કરી રહ્યા હોવાનું ખૂલ્યું છે. મુખ્યત્વે બેડ, સલાયા, સિક્કા તથા અમૂક શખ્સ જામનગરના હતા. તે તમામ તેર શખ્સ સામે પોલીસે એમવી એક્ટની જુદી જુદી કલમો હેઠળ ગુન્હો નોંધી તેઓના મોટરસાયકલ કબજે કરી લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
