Author: નોબત સમાચાર
જામનગરમાંથી પાંચ વાહનની ચોરી કરનાર શખ્સ ઝડપાયોઃ વાહન કબજે
અન્ય વાહનોના ચોરાઉ સ્પેરપાર્ટ્સ પણ મળી આવ્યાઃ
જામનગર તા. ૩: જામનગરના રંગમતી નદીના કાંઠા પાસેથી પોલીસે એક બુલેટ તથા ચાર ચોરાઉ સ્કૂટર સાથે એક શખ્સની ધરપકડ કરી છે. તેણે પાંચ વાહન ચોર્યાની કબૂલાત આપી તે વાહનો અને કેટલાક સ્પેરપાર્ટ્સ કાઢી આપ્યા છે.
જામનગરના જુદા જુદા વિસ્તારોમાંથી કેટલાક વાહનોની ઉઠાંતરી થયાની તાજેતરમાં પોલીસમાં ફરિયાદ કરવામાં આવી હતી. જેની તપાસ સિટી એ ડિવિઝન પોલીસ સ્ટેશનના પીઆઈ એન.એ. ચાવડાની સૂચનાથી સ્ટાફ દ્વારા કરવામાં આવી રહી હતી.
તે દરમિયાન રંગમતી નદીના કાંઠે લખુ પટેલની કહેવાતી વાડી નજીક એક ખૂલી જગ્યામાં એક શખ્સ કેટલાક બાઈકના સ્પેરપાર્ટ્સ કાઢી અન્ય વાહનમાં નાખતો હોવાની બાતમી મળતા ધસી ગયેલી પોલીસે ત્યાંથી મોહનનગરનો ઢાળીયો ઉતરતા શેરી નં.૭માં ભાડાના મકાનમાં રહેતા કિશન દિનેશભાઈ વાઘેલા નામના શખ્સને દબોચી લીધો હતો.
આ શખ્સની અટકાયત કરી તેની પૂછપરછ કરાતા તેણે પાંચ વાહન ચોર્યાની કબૂલાત આપી છે. પોલીસે જીજે-૧૦-ડીએચ ૧૬ નંબરનું બુલેટ, જીજે-૧૦-ઈઈ ૧૭૭૯ નંબરનું સ્કૂટર, જીજે-૧૦-ઈઈ પપ૪૫ નંબરનું એક્સેસ, જીજે-૬-એમકે ૩૭૮૯ નંબરનું બીજુ એક્સેસ, જીજે-૧૮-ડીએલ ૬૪૬૫ નંબરનું પણ એક્સેસ કાઢી આપવા ઉપરાંત રૂ.૯૮૦૦ના જુદા જુદા વાહનના સ્પેરપાર્ટ્સ પણ પોલીસને સોંપ્યા છે. પોલીસે કુલ રૂ.૩ લાખના વાહન અને સ્પેરપાર્ટ કબજે કરી કિશન વાઘેલાની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
