Advertisement
Author: નોબત સમાચાર

જામનગરની ડિસ્ટ્રીક્ટ કોર્ટમાં કાલે ફોર્મલ વિટનેસ ડિપોઝિશન સેન્ટરનું જિલ્લા ન્યાયાધિશ કરશે ઉદ્ઘાટન

અન્ય જિલ્લાની અદાલતોમાં પહોંચી ન શકે તેવા સાક્ષીઓ માટે

                                                                                                                                                                                                      

જામનગર તા. ૩: જામનગરમાં ન્યાય પ્રક્રિયાને સુલભ અને કાર્યક્ષમ બનાવવા નવતર પહેલ હેઠળ આવતીકાલે તા. ૪ જૂનના જામનગર ડિસ્ટ્રીક્ટ કોર્ટમાં ફોર્મલ વિટનેસ ડિપોઝિશન સેન્ટરનું જિલ્લા ન્યાયાધિશના હસ્તે ઉદ્ઘાટન કરાશે, તેથી હવે અન્ય જિલ્લાઓમાં આવેલી અદાલતોમાં રૂબરૂ હાજર રહેવા અથવા મુસાફરી કરવા સક્ષમ નથી, તેવા સાક્ષીઓ હવે સ્થાનિક કક્ષાએ જ આ સેન્ટરમાં હાજર રહીને વીડિયો કોન્ફરન્સ દ્વારા પુરાવાઓ આપી શકશે.

સુપ્રિમ કોર્ટ અને ગુજરાત હાઈકોર્ટના દિશા-નિર્દેશોને અનુસરીને ન્યાય પ્રક્રિયાને વધુ ઝડપી અને સુલભ બનાવવાના ઉમદા હેતુસર આવતીકાલ તા. ૪-૬-ર૦રપ ના સવારે ૧૦-૧પ કલાકે જામનગર ડિસ્ટ્રીક્ટ કોર્ટમાં ફોર્મલ વિટનેસ ડિપોઝિશન સેન્ટરનું ઉદ્ઘાટન થવા જઈ રહ્યું છે. આ નવનિર્મિત સેન્ટર આધુનિક કાયદા, એટલે કે બી.એન.એન.એસ.-ર૦ર, મુજબની સુવિધાઓથી સજ્જ છે. તેનો મુખ્ય ઉદ્દેશ્ય સાક્ષીઓ અને પુરાવા આપનારાઓને ન્યાયિક પ્રક્રિયામાં સહભાગી થવા માટેની પ્રક્રિયાને સરળ બનાવવાનો છે.

આ ફોર્મલ વિટનેસ ડિપોઝિશન સેન્ટર સાક્ષીઓ અને કોર્ટ માટે અનેકવિધ ફાયદાઓ પ્રદાન કરશે. નિવૃત્ત સરકારી કર્મચારીઓ અને કોર્ટના સાક્ષીઓ-એફ.એસ.એલ. નિષ્ણાત, પોલીસ અધિકારી, મેડિકલ ઓફિસર કે જેઓ અન્ય જિલ્લાઓમાં આવેલી અદાલતોમાં રૂબરૂ હાજર રહેવા અથવા મુસાફરી કરવા સક્ષમ નથી, તેઓ હવે પોતાના સ્થાનિક કક્ષાએ જ જામનગર ડિસ્ટ્રીક્ટ કોર્ટના આ સેન્ટરમાં હાજર રહીને વીડિઓ કોન્ફરન્સ દ્વારા પુરાવાઓ આપી શકશે. આનાથી સાક્ષીઓને લાંબી મુસાફરી અને તેના આનુષંગિક ખર્ચમાંથી મુક્તિ મળશે. જેનાથી તેમનો કિંમતી સમય અને પૈસા બન્ને બચશે. સાથે જ આ સેન્ટર સાક્ષીઓને તેમની અનુકૂળતા મુજબ પુરાવા આપવા માટેનું વાતાવરણ પણ પૂરૃં પાડશે. આ પ્રણાલીથી ન્યાયિક પ્રક્રિયામાં તેમની સહભાગીતામાં વધારો થશે.

ગુજરાત હાઈકોર્ટની સૂચના અનુસાર જામનગર ડિસ્ટ્રીક્ટ કોર્ટ ન્યાયિક પ્રક્રિયાને વધુ કાર્યક્ષમ, સુલભ અને સાક્ષી-કેન્દ્રિત બનાવવાનો પ્રયાસ કરી રહી છે. જિલ્લા ન્યાયાધિશ જામનગર દ્વારા આ સેન્ટરનું ઉદ્ઘાટન કરવામાં આવશે, જે ન્યાય વ્યવસ્થામાં એક નવા અધ્યાયનો પ્રારંભ સૂચવે છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh