Author: નોબત સમાચાર
ખંભાળિયાના ખજુરીયાની સીમમાં તીનપત્તી રમતા સાત ખેલંતા ઝડપાયાઃ એક નાસી ગયો
રોકડ, મોટર, સવા બે લાખનો મુદ્દામાલ કબજેઃ
જામનગર તા. ૩: ખંભાળિયાના ખજુરીયા ગામના વાડી વિસ્તારમાં એક ખરાબામાં ગઈકાલે સાંજે ગંજીપાના વડે જુગાર રમતા સાત શખ્સને પોલીસે પકડી લીધા હતા. એક પત્તાપ્રેમી પોલીસને જોઈને નાસી ગયો હતો. પટમાંથી રોકડ તથા બે મોટર મળી કુલ રૂપિયા સવા ચાર લાખનો મુદ્દામાલ કબજે કરાયો છે.
ખંભાળિયા તાલુકાના ખજુરીયા ગામમાં વાડી વિસ્તારમાં જુગાર રમાતો હોવાની બાતમી પરથી ગઈકાલે સાંજે ખંભાળિયાના પીઆઈ બી.જે. સરવૈયા તથા સ્ટાફે એક ખેતર નજીક સરકારી ખરાબામાં દરોડો પાડ્યો હતો.
આ સ્થળે જાહેરમાં સિમેન્ટના પતરાની આડશમાં ગંજીપાના વડે તીનપત્તી રમતા કાસમ હારૂનભાઈ ગજીયા, ખેંગાર પૂનાભાઈ પતાણી, દાઉદ સીદીક ધાવડા, ભરત તુલસીદાસ દત્તાણી, લધુભાઈ માંડણભાઈ મુન, વિનોદ કુરજીભાઈ વિઠ્ઠલાણી, રાણાભાઈ આશાભાઈ સંધીયા નામના સાત શખ્સ મળી આવ્યા હતા. જ્યારે પોલીસને જોઈને ખંભાળિયાના સોનલનગરવાળો આલા ફોગા કારીયા નામનો શખ્સ નાસી ગયો હતો.
પોલીસે પટમાંથી રૂ.૧,૨૯,૫૦૦ રોકડા, બે મોટર કબજે કરી તમામ આઠ સામે જુગારધારાની કલમ ૧૨ હેઠળ ગુન્હો નોંધ્યો છે.
જામનગરના દરેડ નજીકની એક શાળા પાછળ ગઈકાલે સાંજે જાહેરમાં ઉભા રહી વર્લીના આંકડા લખતા દિવ્યેશગીરી ઈશ્વરગીરી ગોસ્વામી નામના શખ્સને પોલીસે પકડી લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
