Advertisement
Author: નોબત સમાચાર

પુત્રને રમાડવા માટે ગયેલા ભીમરાણાના યુવાનને સાસરા પક્ષના સાતે ધોકાવ્યા

અદાલતે પુત્રને રમાડવાની આપી છે મંજૂરીઃ

                                                                                                                                                                                                      

જામનગર તા. ૨: ઓખામંડળના ભીમરાણા ગામના એક યુવાન રવિવારે ફેમિલી કોર્ટના આદેશ મુજબ પોતાના સસરાના ઘેર પુત્રને રમાડવા પહોંચ્યા ત્યારે પુત્ર આપવાની ના પાડી બે મહિલા સહિત સાતે તેઓને ધોકાવી નાખ્યા હતા.

દેવભૂમિ દ્વારકા જિલ્લાના ભીમરાણા ગામમાં રહેતા ધનરાજભા જીમલભા માણેક નામના યુવાનના અદાલતના આદેશથી છૂટાછેડા થયા પછી આ યુવાનને તેમના પત્ની પાસે રહેલા પુત્રને રમાડવા જવાની છૂટ મળી હતી.

તે દરમિયાન રવિવારે બપોરે ધનરાજભા સુરજકરાડીના શક્તિનગરમાં પોતાના પુત્રને રમાડવા માટે પહોંચ્યા હતા. જ્યાં તેઓને રમાડવા માટે પુત્ર આપવાની ના પાડી પૂંજાભા ઉર્ફે ભૂરાભા સુમરાભા હાથલ, અભયભા પૂંજાભા, રાધીકા પૂંજાભા, સરજુબેન પૂંજાભા, નાયાભા સુમરાભા, નીતિન નાયાભા, પ્રદીપ રામભાએ હુમલો કર્યાે હતો.

આ વ્યક્તિઓએ ધનરાજભાને ધકકો મારી પછાડી દીધા પછી અભયભા ગળુ પકડી માથે બેસી ગયો હતો અને બાકીના વ્યક્તિઓએ ઢીકાપાટુથી માર મારી ઈજા પહોંચાડતા એક આંગળીમાં ફ્રેક્ચર થઈ જતાં ધનરાજભાને સારવારમાં ખસેડવામાં આવ્યા છે. જ્યાંથી તેઓએ મીઠાપુર પોલીસ સ્ટેશનમાં ફરિયાદ નોંધાવી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh