Author: નોબત સમાચાર
ગાડાનો હુંક તૂટી જતાં રોડ પર પછડાયેલા ધ્રોલના ખારવા ગામના મહિલાનું થયું મૃત્યુ
થ્રેસર મશીન ખેડૂત પર મોત બનીને ધસી પડ્યું:
જામનગર તા. ૩: ધ્રોલના ખારવા ગામના એક મહિલા ટ્રેક્ટરમાં જોડાયેલા ગાડામાં પતિ સાથે ખેતર તરફ જતા હતા ત્યારે ગાડાનો હુંક તૂટી જતાં આ મહિલા પછડાયા હતા. માથામાં ગંભીર ઈજા પામેલા આ મહિલાનું મૃત્યુ નિપજ્યું છે. જ્યારે કલ્યાણપુરના નવા ગઢકામાં થ્રેસર મશીન રીપેર કરતા ખેડૂત પર મશીન મોત બનીને ધસી પડ્યું છે.
ધ્રોલ તાલુકાના ખારવા ગામના સવિતાબેન કાંતિલાલ હિંસુ (ઉ.વ.૪૭) નામના મહિલા ટ્રેક્ટરમાં જોડાયેલા ગાડામાં બેસી પતિ કાંતિલાલ જીવરાજભાઈ હિંસુ સાથે શનિવારે સવારે ઈટાળા ગામમાં આવેલા પોતાના ખેતર તરફ જતા હતા.
તેઓ જ્યારે ઈટાળા નજીક પહોંચ્યા ત્યારે તેમના પતિ જે ટ્રેક્ટર ચલાવતા હતા તે ટ્રેક્ટર અને ગાડા વચ્ચેનો હુંક તૂટી જતાં આ મહિલા પછડાયા હતા. માથામાં ગંભીર ઈજા પામેલા સવિતાબેનને સારવાર માટે રાજકોટની ખાનગી હોસ્પિટલમાં લઈ જવાયા હતા. જ્યાં ફરજ પરના તબીબે સારવાર દરમિયાન તેમનું મૃત્યુ નિપજ્યાનું જાહેર કર્યું છે. ધ્રોલ પોલીસે કાંતિલાલનું નિવેદન નોંધ્યું છે.
દેવભૂમિ દ્વારકા જિલ્લાના કલ્યાણપુર તાલુકાના નવા ગઢકા ગામમાં વસવાટ કરતા મોહનભાઈ રણમલભાઈ પરમાર નામના સાંઈઠ વર્ષના વૃદ્ધ રવિવારે સવારે પોતાના ખેતરે થ્રેસર મશીન રીપેર કરતા હતા ત્યારે કોઈ રીતે સરકેલુ થ્રેસર મશીન તેમના પર આવી પડ્યું હતું.
મશીન નીચે દબાઈ જતાં મોહનભાઈને ગંભીર ઈજા થઈ હતી. સારવાર માટે દવાખાને ખસેડવામાં આવેલા આ વૃદ્ધનું મૃત્યુ નિપજ્યું છે. તેમના મોટાભાઈ ગોરધનભાઈ પરમારે પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
