Author: નોબત સમાચાર
દખણાદાબારાના યુવાનને લગ્નના નામે ઠગી લેનાર બે આરોપીને એક વર્ષની કેદ
એક-એક લાખનો દંડ ભરવા કરાયો હુકમઃ
ખંભાળિયા તા. ૩૧: ખંભાળિયા નજીકના સલાયામાં વસવાટ કરતા એક લગ્નવાંચ્છુ યુવાનને બે વર્ષ પહેલાં પાલનપુર તાલુકાના બે શખ્સે લગ્ન કરાવી આપવાનું કહી ઠગી લીધો હતો. તેની પોલીસમાં થયેલી ફરિયાદના અંતે આરોપીઓની ધરપકડ કરી લેવાઈ હતી. તે કેસ ચાલી જતાં અદાલતે બે આરોપીને ૧૦ વર્ષની કેદ અને રૂ.૧-૧ લાખનો દંડ ફટકાર્યાે છે.
દેવભૂમિ દ્વારકા જિલ્લાના ખંભાળિયા તાલુકાના દખણાદાબારા ગામના રઘુવીરસિંહ મલુજી ભાટી નામના યુવાનને લગ્ન કરાવી આપવાની લાલચ બતાવી ઠગાઈ કરવામાં આવી હતી.
આ યુવાનના બનાસકાંઠા જિલ્લાના પાલનપુર તાલુકાના સામઢી ગામના ચેહરસિંગ બાબુસિંગ સોલંકી તથા અમરતજી મણાજી જગાણીયા નામના બે શખ્સે ખોટા નામ ધારણ કરી એક યુવતીના લગ્ન કરાવી આપ્યા હતા. લગ્ન પછી પાંચ દિવસ વિત્યે બંને શખ્સે રઘુવીરસિંહ સાથે છેતરપિંડી તથા વિશ્વાસઘાત આચર્યા હતા. આ બાબતની ફરિયાદ ગઈ તા.૨૧-પ-૨૩ના દિને સલાયા પોલીસ મથકમાં કરાઈ હતી.
આ ગુન્હામાં પોલીસે બંને આરોપીની આઈપીસી ૩૭૦ (ર), ૪૦૬, ૪૨૦, ૫૦૬ (૨), ૧૧૪ હેઠળ ગુન્હો નોંધી ધરપકડ કરી હતી. ઉપરોક્ત કેસ ખંભાળિયાની સેશન્સ કોર્ટમાં ચાલી જતાં અદાલતે બંને આરોપીને તક્સીરવાન ઠરાવી દસ વર્ષની કેદ અને રૂ.૧-૧ લાખનો દંડ ફટકાર્યાે છે. સરકાર તરફથી વકીલ કમલેશ દવે રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
