કેન્દ્ર સરકારે ઈમ્પોર્ટ ટેકસ ઘટાડતા ખાદ્યતેલોના ભાવોમાં થશે ઘટાડો

Author: નોબત સમાચાર

કેન્દ્ર સરકારે ઈમ્પોર્ટ ટેકસ ઘટાડતા ખાદ્યતેલોના ભાવોમાં થશે ઘટાડો

ગૃહિણીઓ આનંદો... સામાન્ય જનતાને રાહત

નવી દિલ્હી તા. ૩૧: કેન્દ્ર સરકારે સામાન્ય જનતાને રાહત આપવા માટે એક મોટું પગલું ભર્યુ છે, જેથી ગૃહિણીઓને રસોડાના ખર્ચમાં મોટી રાહત થશે. કેન્દ્ર સરકારે કાચા ખાદ્ય તેલ પરના મૂળભૂત આયાત કરમાં ૧૦ ટકાનો ઘટાડો કર્યો છે.

ખાદ્ય તેલના ભાવને નિયંત્રિત કરવા માટે કેન્દ્ર સકારે એક મોટું પગલું ભર્યું છે. ખાદ્ય તેલના ભાવને નિયંત્રિત કરવા માટે કેન્દ્ર સરકારે એક મોટું પગલું ભર્યું છે. કેન્દ્ર સરકારે શુક્રવારે કાચા ખાદ્ય તેલ પરના મૂળભૂત આયાત કરમાં ૧૦ ટકાનો ઘટાડો કર્યો છે. આ ફેરફાર આજે ૩૧ મેથી અમલમાં આવશે. આયાત કરમાં ઘટાડાને કારણે, વિદેશી બજારોમાંથી આવતું તેલ હવે સસ્તું થશે, જેના કારણે સ્થાનિક બજારમાં કિંમતો નિયંત્રણમાં રહેવાની અપેક્ષા છે.

કેન્દ્ર સરકારે ક્રૂડ પામ તેલ, ક્રૂડ સોયાબીન તેલ અને ક્રૂડ સૂર્યમુખી તેલ પરની કસ્ટમ ડ્યુટી ઘટાડીને ૧૦ ટકા કરી દીધી છે. નાણા મંત્રાલયના આ નિર્ણયનો ઉદ્દેશ્ય ખાદ્ય તેલના છૂટક ભાવ ઘટાડવાનો અને ખાદ્ય તેલનો વેપાર કરતા સ્થાનિક વેપારીઓના હિતોનું રક્ષણ કરવાનો છે. અગાઉ આ ત્રણેય કાચા ખાદ્ય તેલ પર ડ્યુટી ૨૦ ટકા હતી. તમને જણાવી દઈએ કે ભારત તેની સ્થાનિક ખાદ્ય તેલની જરૂરિયાતના ૫૦ ટકાથી વધુ આયાત કરે છે.

નાણા મંત્રાલયે શુક્રવારે તાત્કાલિક અસરથી એક સૂચના જારી કરીને ખાદ્ય તેલ પર આયાત ડ્યુટી ઘટાડવાના નિર્ણયની માહિતી આપી હતી. સમાચાર એજન્સી અનુસાર, કેન્દ્રીય ખાદ્ય સચિવ સંજીવ ચોપરાએ જણાવ્યું હતું કે સરકારે ક્રૂડ ખાદ્ય તેલ પરની મૂળભૂત કસ્ટમ ડ્યુટી ૨૦ ટકાથી ઘટાડીને ૧૦ ટકા કરી છે.

ગઈકાલે મોડી રાત્રે જારી કરાયેલા એક નિવેદનમાં, એસઈએના પ્રમુખ સંજીવ અસ્થાનાએ જણાવ્યું હતું કે,''સરકારે યોગ્ય સમયે એક બોલ્ડ નિર્ણય લીધો છે કે ક્રૂડ અને રિફાઈન્ડ ઓઈલ વચ્ચેનો ડ્યુટી તફાવત ૮.૨૫ ટકાથી વધારીને ૧૯.૨૫ ટકા કરવામાં આવશે. હવે રિફાઈન્ડ પામ ઓઈલની આયાત ઘટાડવામાં આવશે.'' ક્રૂડ પામ ઓઇલની માંગમાં વધારો થવાથી ઘરેલુ રિફાઇનિંગ ક્ષેત્રને નવું જીવન મળશે. આ તેલ પર કોઈ રાહત નહીં મળે ૩૦ મેના નાણા મંત્રાલય દ્વારા જારી કરાયેલા નોટિફિકેશન પછી પણ, રિફાઇન્ડ ઓઇલ પરની મૂળભૂત કસ્ટમ ડ્યુટી ૩૨.૫ ટકા પર રહેશે. એટલે કે, તેમાં કોઈ ફેરફાર કરવામાં આવ્યો નથી.

અગાઉ, સરકારે કાચા પામ તેલ, કાચા સોયાબીન તેલ અને કાચા સૂર્યમુખી તેલ પરની મૂળભૂત કસ્ટમ ડ્યુટી ૨૦ ટકાથી ઘટાડીને ૧૦ ટકા કરી હતી. આ નવા ઘટાડા પછી, આ ત્રણેય તેલ પરની કુલ આયાત ડ્યુટી ૨૭.૫ ટકાથી ઘટીને ૧૬.૫ ટકા થઈ જશે. આનું કારણ એ છે કે ભારતના કૃષિ માળખાગત અને વિકાસ અને સમાજ કલ્યાણ સરચાર્જ પર લાગવામાં આવશે.

જો આપને આ પોસ્ટ ગમી હોય તો શેર કરો...