Author: નોબત સમાચાર
દરેડમાં ઊંટગાડીની રેસ લગાડતા ચાર શખ્સ ઝડપાયાઃ ચાર નાસી જવામાં સફળ
રોકડ તથા કેટલીક ચિઠ્ઠીઓ કબજે કરાઈઃ
જામનગર તા.રપ : જામનગર નજીક દરેડમાં એફસીઆઈ ગોડાઉન પાસે ગઈકાલે સાંજે ઉંટગાડીની રેસ લગાડી જુગાર રમતા ચાર શખ્સને પોલીસે પકડી પાડ્યા છે. દરોડા વેળાએ ચાર શખ્સ નાસી જવામાં સફળ થયા છે. પોલીસે રૂ.૩૦ હજાર રોકડા અને કેટલીક ચિઠ્ઠીઓ કબજે કરી તપાસ હાથ ધરી છે.
જામનગર નજીકના દરેડ પાસે આવેલા એફસીઆઈના ગોડાઉન નજીક ગઈકાલે સાંજે ઉંટગાડીની રેસ લગાવવામાં આવી રહી હોવાની બાતમી મળતા પંચકોશી-બી ડિવિઝન પોલીસ સ્ટેશનના સ્ટાફે ત્યાં દરોડો પાડ્યો હતો.
આ સ્થળે નવાગામ ઘેડમાં રહેતો રમેશ દેવાભાઈ ચાવડા, ખોજાનાકા નજીક રહેતો સુલેમાન ઈબ્રાહીમ સમા, દિ. પ્લોટ-પ૪માં વિશ્રામવાડી ચોકમાં રહેતા લાલજી ઉર્ફે લાલો નરશીભાઈ મંગે, જાવેદ જુસબ સમા નામના ચાર શખ્સ રેસ લગાડતા મળી આવ્યા હતા. તેઓના કબજામાંથી રૂ.૩૦૦૧૦ રોકડા તથા કેટલીક ચિઠ્ઠીઓ કબજે કરાઈ છે.
દરોડા વેળાએ શંકરટેકરી વાળો અસરફ ખફી, વાઘેર વાડાવાળો મહેમુદ ઈબ્રાહીમ ખફી, ઢીંચડા ગામનો સલીમ હનીફ ખફી તથા વાઘેર વાડામાં રહેતો અકબર ઉમર ખફી નાસી જવામાં સફળ થયા હતા. આઠેય સામે પંચ કોશી-બી ડિવિઝન પોલીસ સ્ટેશનમાં ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
