Author: નોબત સમાચાર
અલીયાબાડાની નદીમાં ન્હાવા ઉતરેલા જામનગરના તરૂણનું ડૂબી જવાથી મૃત્યુ
જામનગર તા. ૧૬: જામનગરના કાલાવડ નાકા વિસ્તારમાં રહેતા ચાર તરૂણ આજે સવારે ઈદ નિમિત્તે અલીયાબાડા ગયા પછી નદીમાં ન્હાવા ઉતર્યા હતા. તેમાંથી એક તરૂણનું ડૂબી જવાથી મૃત્યુ ાનપજ્યું છે. બાકીના ત્રણ તરૂણ બહાર નીકળી જવામાં સફળ થયા હતા. જામનગરના કાલાવડ નાકા બહારના વિસ્તારમાં રહેતા અઝાદખાન અયુબખાન મોગલ (ઉ.વ.૧૪) નામના તરૂણ તથા તેમના ત્રણ મિત્રો આજે ઈદના તહેવાર નિમિત્તે અલીયાબાડા ગામમાં રહેતા પોતાના સંબંધીના ઘેર ગયા હતા.
આ તરૂણો ત્યાં આવેલી નદીમાં ન્હાવા માટે ઉતર્યા પછી કોઈ રીતે ડૂબવા માંડ્યા હતા. જેમાંથી અઝાદખાન નદીમાં ઉંડાણવાળા ભાગમાં પહોંચી ગયા હતા. જ્યારે બાકીના ત્રણ વ્યક્તિ બહાર નીકળી જવામાં સફળ થયા હતા. કોઈએ ફાયર બ્રિગેડને જાણ કરતા જામનગર થી ફાયરબ્રિગેડની ટૂકડી અલીયાબાડા ધસી ગઈ હતી.
ફાયરના જવાનોએ નદીમાં ઝંપલાવી અઝાદખાનની શોધ શરૂ કર્યા પછી આ તરૂણનો નદીના ઉંડાણમાંથી મૃતદેહ મળી આવ્યો છે. ઈદના દિવસે જ આવી રીતે તરૂણનું ડૂબી જવાથી મૃત્યુ નિપજતા અરેરાટી પ્રસરી ગઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
