Author: નોબત સમાચાર
ખંભાળિયામાં રિક્ષા આંતરી ચાર શખ્સે યુવાનનું અપહરણ કરી લમધારી નાખ્યો
ગુલાબનગરમાં વૃદ્ધને માર પડ્યોઃ
જામનગર તા. ૨: જામનગરના ગુલાબનગરમાં એક વૃદ્ધને ગઈકાલે સાંજે બે શખ્સે બોલાવી લમધારી નાખ્યા હતા. જ્યારે સોમવારે સાંજે રિક્ષામાં જતા ખંભાળિયાના યુવાને સલાયા ચાર રસ્તા પાસે રોકી ચાર શખ્સે મોટરમાં અપહરણ કર્યા પછી સરમત નજીક લાવી ત્યાં તેને આડેધડ માર માર્યાે હતો.
જામનગરના ગુલાબનગર વિસ્તારમાં આવેલી પીપળીયા વાડીની શેરી નં.૩માં રહેતા વલ્લભભાઈ ગોવિંદભાઈ કણઝારીયા નામના વૃદ્ધ તથા તેમના પુત્રને ગઈકાલે સાંજે પાડોશી વિજય ખાણધરે બોલાવ્યા હતા.
ત્યારપછી વલ્લભભાઈને તું મારા ભાઈની ખરાબ વાત કેમ કરે છે તેમ કહેતા વલ્લભભાઈએ હું કંઈ વાત કરતો નથી તેમ કહેતા ઉશ્કેરાયેલા વિજય તથા જગદીશ ખાણધરે ગાળો ભાંડ્યા પછી ધોકા તથા ઢીકાપાટુથી હુમલો કરી જાનથી મારી નાખવાની ધમકી આપી હતી. સારવારમાં ખસેડાયેલા વલ્લભભાઈએ મોડીરાત્રે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
ખંભાળિયા તાલુકાના ભાડથર ગામના વિજયભાઈ દેવશીભાઈ મુંધવા તથા તેના માસીયાઈ ભાઈ મહેશને સોમવારે સાંજે સલાયા ચાર રસ્તા નજીક પુલ પાસે રિક્ષામાં રોકી લઈ જામનગર તાલુકાના નાઘેડી ગામના વિપુલ ધનાભાઈ ગમારા, કિશન અરજણભાઈ, ધીરજ ઉકાભાઈ, ભીખાભાઈ દેવશીભાઈએ ગાળો ભાંડી ધોકા તથા ઢીકાપાટુથી માર મારવા ઉપરાંત વિજય મુંધવાને બળજબરીથી મોટરમાં બેસાડી દીધો હતો.
ત્યારપછી આ યુવાનને સરમતથી રાસંગપર ગામ વચ્ચે લઈ જઈ રાજુ ઉકાભાઈ અને ખીમજી રાજા ગમારા સહિતના છ શખ્સે ધોકા, પ્લાસ્ટિકના પાઈપથી માર મારી લમધારી નાખ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
