Author: નોબત સમાચાર
કલ્યાણપુર પોલીસ મથકના પીઆઈની તાકીદની અસરથી બદલીઃ ખળભળાટ
બે પોલીસકર્મીની હેડકવાર્ટરમાં બદલી કરાઈઃ
ખંભાળિયા તા. ૨: કલ્યાણપુર પોલીસ મથકના પીઆઈને જિલ્લા પોલીસવડાએ તાકીદની અસરથી સસ્પેન્ડ કરી નાખ્યા છે. જ્યારે બે પોલીસ કર્મચારીને હેડકવાર્ટરમાં મૂકી દેવામાં આવ્યા છે. થોડા દિવસ પહેલાં એલસીબી દ્વારા બોક્સાઈટ અંગે કરાયેલી કાર્યવાહી પછી ઉપરોક્ત હુકમ થયાનું માનવામાં આવી રહ્યંુ છે.
દેવભૂમિ દ્વારકા જિલ્લાના કલ્યાણપુર પોલીસ મથકમાં પોલીસ ઈન્સ્પેક્ટર તરીકે ફરજ બજાવતા મનિષ મકવાણાને આજે સવારે દ્વારકા જિલ્લાના એસપી નિતેશ પાંડેયે તાકીદની અસરથી સસ્પેન્ડ કરવાનો હુકમ કરતા પોલીસબેડામાં ખળભળાટ મચી ગયો છે.
દ્વારકા પંથકમાંથી મળતા અહેવાલ મુજબ કલ્યાણપુર તાલુકામાં થતી બોક્સાઈટ સહિતના ખનીજની ચોરી મામલે ચાલી રહેલી તપાસ દરમિયાન પીઆઈ મકવાણાને સસ્પેન્ડ કરી દેવાયા છે અને આ જ પોલીસ મથકના બે પોલીસ કર્મચારીને હેડકવાર્ટરમાં મૂકી દેવાનો આદેશ કરવામાં આવ્યો છે. જો કે, ખનીજચોરી જ જવાબદાર છે તેમ હાલના તબક્કે સ્પષ્ટ થતું નથી પરંતુ થોડા દિવસ પહેલાં એલસીબીએ બોક્સાઈટ ચોરી અંગે એક કાર્યવાહી કરી હતી. તે પછી આજે આ અધિકારીને સસ્પેન્ડ કરી દેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
