Author: નોબત સમાચાર
ખંભાળિયાના ભંગારના વે૫ારીની રોકડ સાથેની થેલી ચોરનાર બે શખ્સ ઝબ્બે
સિક્કા પોલીસે ટ્રક સહિતનો મુદ્દામાલ કબજે કર્યાે:
જામનગર તા. ૧૨: ખંભાળિયાના ભંગારના વેપારીની રૂ. ૧ લાખ ૩૭ હજારની રોકડવાળી થેલી બેડ ટોલનાકા પાસે ટ્રકમાંથી ચોરાઈ ગઈ હતી. તે ગુન્હામાં પોલીસે ખંભાળિયાના ટ્રક ડ્રાઈવર અને તેના સાગરિતની ધરપકડ કરી છે.
ખંભાળિયા શહેરમાં તુલસી પાર્ક વિસ્તારમાં વસવાટ કરતા અને ભંગારનો વ્યવસાય કરતા દેવેનભાઈ રણછોડભાઈ મોદી નામના આસામી ગયા રવિવારે ભંગાર વેચવા માટે રાજકોટ ગયા હતા. જ્યાંથી તેઓ ઉપજેલી રૂ. ૧ લાખ ૩૭ હજારની રકમ સાથે રાખી જીજે-૩૭-ટી ૫૮૨૧ નંબરના ટ્રકમાં પરત ફરતા હતા.
તે ટ્રક ખંભાળિયાથી ભાડે કર્યા પછી દેવેનભાઈએ તેમાં ભંગાર ભર્યાે હતો અને તેનો ડ્રાઈવર ખંભાળિયાનો જ એજાઝ અબ્દુલ ગજણ અને તેનો મિત્ર વિશાલ સીદુભાઈ નાયાણી ઉર્ફે વિસુ સાથે ગયા હતા. આ વ્યક્તિઓને ભંગારમાંથી કેટલી રકમ ઉપજી છે તેની પણ જાણકારી હતી.
તે પછી પરત ફરતી વખતે બેડના ટોલનાકા પાસે દેવેનભાઈની રોકડ ભરેલી થેલી ચોરાઈ ગઈ હતી. તેઓએ સિક્કા પોલીસ સ્ટેશનમાં ફરિયાદ કરી હતી. પીએસઆઈ આર.એચ. બાર તથા સ્ટાફે તપાસ શરૂ કરી હતી. જેમાં સ્ટાફના જે.એન. જાડેજા, વિજય કારેણા, આર.બી. જાડેજાને મળેલી બાતમીના આધારે બંને શખ્સની ધરપકડ કરાઈ છે. આ શખ્સોના કબજામાંથી ચોરાઉ રકમ ઉપરાંત બે મોબાઈલ અને રૂ. ૧૦ લાખનો ટ્રક કબજે કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
