Author: નોબત સમાચાર
સલાયા અને કોઠા વિસોત્રી ગામે પાઠવાયો મતદાન જાગૃતિનો સંદેશઃ ગ્રામજનો સંકલ્પબદ્ધ
સ્વીપ હેઠળ ચૂંટણી તંત્ર દ્વારા
ખંભાળીયા તા. ૧૮: લોકસભા સામાન્ય ચૂંટણી ર૦ર૪ અંતર્ગત તા. ૭ મે ના ગુજરાતમાં મતદાન થવાનું છે દરેક નાગરિક મતદાન કરવા અંગે જાગૃત બને અને પોતાના મતાધિકારનો ઉપયોગ કરીને લોકશાહીની પ્રક્રિયામાં ભાગીદાર બને તે માટે ૧ર જામનગર સંસદીય મતવિસ્તારમાં સમાવિષ્ટ ૮૧ ખંભાળીયા મતદાર વિભાગના એક પણ મતદાર મતદાનથી વંચીત ન રહે તે માટે જિલ્લા ચૂંટણી અધિકારી જી.ટી. પંડ્યા દિશા નિર્દેશ હેઠળ જિલ્લા ચૂંટણી તંત્ર દ્વારા જિલ્લાના વિવિધ વિસ્તારોમાં લોકોને જાગૃત કરવાના હેતુથી સ્વીપ કાર્યક્રમ હેઠળ વિવિધ કાર્યક્રમો યોજવામાં આવી રહ્યા છે.
૮૧ ખંભાળીયા મતદાર વિભાગમાં મદદનીશ ચૂંટણી અધિકારી અને પ્રાંત અધિકારી કે.કે. કરમટાના નેતૃત્વ હેઠળ મહત્તમ મતદાન થાય તે માટે વ્યાપક પ્રમાણમાં મતદાન જાગૃતિ કાર્યક્રમ હાથ ધરવામાં આવી રહ્યા છે. જેના ભાગરૂપે ખંભાળીયા તાલુકાના કોઠા વિસોત્રી તેમજ સલાયા બંદરમાં માછીમારો મહત્તમ મતદાન કરે તે માટે શેરી નાટક થકી મતદાર જાગૃતિ લાવવાના પ્રયાસો હાથ ધરવામાં આવ્યા છે. જેમાં નાટ્ય કલાકારોએ મતદાન જાગૃતિ સંદેશ આપતું પ્રેરણાત્મક નાટક પ્રસ્તુત કરી લોકોને મતદાન કરવા પ્રેરિત કર્યા હતાં. ખાસ કરીને મતદાતાઓ પરિવાર સાથે મહત્તમ મતદાન કરે તે માટે પ્રોત્સાહિત કર્યા હતાં. ગ્રામજનોએ પરિવાર સાથે અવશ્ય મતદાન કરવા માટે સંકલ્પ લીધા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
