શોપીંગ સેન્ટરની દુકાનો લેનારના દસ્તાવેજો થતા અટકતા વેપારીઓને પરેશાનીઃ

Author: નોબત સમાચાર

શોપીંગ સેન્ટરની દુકાનો લેનારના દસ્તાવેજો થતા અટકતા વેપારીઓને પરેશાનીઃ

અઢાર વર્ષથી તૈયાર થયેલી હરાજી પછી

ખંભાળીયા તા. ૧૧ઃ ખંભાળીયા નગરપાલિકાની પોણા નવ કરોડની આવક થનાર શોપીંગ સેન્ટરમાં દુકાનો લેનારનો દસ્તાવેજો અટકતા વેપારીઓ પરેશાન થઈ ગયા છે.

ખંભાળીયા નગર ૫ાલિકાની આર્થિક સ્થિતિ નબળી હોય તાજેતરમાં પાલિકાના જોધપુર ગેઈટ પાસેના શોપીંગ સેન્ટરમાં દુકાનોની હરાજી થઈ હતી જેમાં રેકોર્ડ બ્રેક પોણા નવ કરોડની પાલિકાને આવક થતાં તળિયાઝાટક તિજોરીઓ છલકાઈ ગઈ હતી તથા પેન્શનરોના પેન્શન તથા નિવૃત્ત થયેલાના હક્ક-હિસ્સા ચૂકવાઈ ગયા હતાં.

સત્તર-અઢાર વર્ષથી બનીને પડેલ આ શોપીંગ સેન્ટરની હરાજી થતી ન હતી કેમ કે તે સરકારમાં જમીન ચાલી ગયેલ અઢાર વર્ષ પડેલા આ બાંધકામ અંગે તત્કાલીન પાલિકા કારોબારી ચેરમેન હીનાબેન આચાર્ય દ્વારા અગ્રણીઓ તથા અધિકારીઓની મદદથી આ શોપીંગ સેન્ટર સહિત ઢગલાબંધ મિલકતો સરકારમાંથી પાલિકામાં લાવી હતી તથા કાર્ડમાં પાલિકાની મિલકતની નોંધ પણ થઈ ગઈ હતી પરંતુ આ મિલકતોનો પ્રકાર રેનયુઅલ ડીએફ જે મુજબ ભાડે આપી શકાય-વાપરી શકાય, વેચાણ માટે ડેપ્યુટી કલેક્ટર કે કલેક્ટરની મંજુરી લેવી પડે.

તાજેતરમાં હરાજીમાં આ મિલકતો વેચાણ કરવામાં આવી મંજુરી ના લેવાતા દુકાનો લેનાર દસ્તાવેજ કરાવવા જતાં વકીલો દ્વારા ટાઈટલ ક્લીયર ના હોય આ દસ્તાવેજ ના થાય લોન ના મળે તે કોઈને વેચી ના શકો. ૮૦-૮૦ લાખના રેકોર્ડ ભાવમાં દુકાનો લેનારા ભારે મુશ્કેલીમાં મૂકાયા છે.

નવાઈની વાત છે કે તાજેતરમાં દસ્તાવેજ કરવા માટે પ્રાદેશિક નિયામક દ્વારા મંજુરી પણ આપી દેવાય છે ત્યારે દસ્તાવેજ ના થતાં દુકાનો લેનારા મુશ્કેલીમાં મૂકાયા હોય રસ્તો તાકીદે કાઢવાની માંગ કરવામાં આવી છે તો ઉતાવળે થયેલી કાર્યવાહીમાં અધિકારીઓના ઈન્ચાર્જના થીંગડા પણ કારણભૂત મનાય છે. રેન્યુઅલ ફરી જાય પછી દસ્તાવેજ થઈ શકે તેમ નિષ્ણાતોનું કહેવું છે.

જો આપને આ પોસ્ટ ગમી હોય તો શેર કરો...