ઠેબા બાયપાસ પાસે કંપનીની જગ્યામાં ઘૂસી જઈ બે શખ્સે કર્મચારીને ધમકાવ્યા

Author: નોબત સમાચાર

ઠેબા બાયપાસ પાસે કંપનીની જગ્યામાં ઘૂસી જઈ બે શખ્સે કર્મચારીને ધમકાવ્યા

અહીંથી નીકળવું નહીં તેમ કહી ફડાકા ઝીંકી દેવાયાઃ

જામનગર તા.૧૧ ઃ જામનગરના નવાગામ ઘેડમાં રહેતા ત્રણ યુવાનને અહીંથી નીકળવંુ નહીં તેમ કહી એક શખ્સે ફડાકા ઝીંકી ગાળો ભાંડ્યાની અને ધમકી આપ્યાની પોલીસમાં ફરિયાદ કરાઈ છે. જ્યારે ઠેબા બાયપાસ પાસે એક કંપનીએ ખરીદેલી જગ્યામાં ગઈકાલે બે શખ્સે ઘૂસી જઈ કર્મચારીઓને ધમકી આપી હતી.

જામનગરના નવાગામ ઘેડમાં આવેલા હનુમાન ચોકમાં રહેતો ધ્રુવ રાજેશભાઈ રાઠોડ અને તેનો મિત્ર પાર્થ માંડલીયા, રોહિત મકવાણા મંગળવારે રાત્રે સાડા અગિયારેક વાગ્યે ગાયત્રી ચોક પાસેથી જતા હતા ત્યારે ૮૦ કવાર્ટર નજીક રહેતો હેમતસિંહ ગોહિલ આવ્યો હતો આ શખ્સે ત્રણેય યુવાનને રોકી લીધા હતા.

ત્યારપછી અહીંથી નીકળતા નહીં તેમ કહેતા ધ્રુવ રાઠોડે હોસ્પિટલ દવા લેવા જઈએ છીએ તેમ કહેતા હેમતસિંહે ફડાકો ઝીંકયા પછી તેના બંને મિત્રોને પણ ઝાપટ મારી હતી અને ગાળો ભાંડી હતી. આ બાબતની સિટી બી ડિવિઝનમાં ફરિયાદ કરાઈ છે.

જામનગર-કાલાવડ રોડ પર ઠેબા ચોકડી નજીક રવિ જયોત પાર્ક નજીક રહેતા મૂળ પોરબંદરના ગૌરવદાન ગોપાલદાન નરેલા નામના યુવાન ગઈકાલે બપોરે કાલાવડ તાલુકાના બેરાજા ગામની સીમમાં આવેલા એક ખેતરે આવ્યા હતા ત્યારે હારૃન મામદ મલેક, ફિરોઝ મામદ મલેક નામના બે શખ્સ આવ્યા હતા.

આ ખેતર તાજેતરમાં ગૌરવભાઈની કંપનીએ ખરીદ્યું છે. તેથી હારૃન અને ફિરોઝે ગાળો ભાંડી હતી અને ગૌરવને આ જમીનમાં પ્રવેશ ન કરવા ધમકી પણ આપી હતી.

જો આપને આ પોસ્ટ ગમી હોય તો શેર કરો...