Author: નોબત સમાચાર
જામનગરમાં એક જ દિવસમાં તાપમાનનો પારો ૩.૭ ડીગ્રી સુધી ધડામઃ મહત્તમ ૩પ.૮ ડીગ્રી
તેજીના વાયરાઓને પગલે વધતા તાપમાન પર લાગી બ્રેકઃ
જામનગર તા. ૧૧ઃ જામનગરમાં ફૂંકાયેલા ઝપાટાબંધ પવનના પગલે વધતા તાપમાન પર બ્રેક લાગી ગઈ હતી. છેલ્લા ચોવીસ કલાકમાં મહત્તમ તાપમાનનો પારો સડસડાટ ૩.૭ ડીગ્રી સુધી નીચે સરકીને ૩પ.૮ ડીગ્રીએ પહોંચી ગયો હતો. તાપમાનમાં થયેલા ઘટાડા અને વેગીલા વાયરાઓના પગલે ગરમીનું જોર ઘટી જતા જનતાએ હાશકારો અનુભવ્યો હતો.
જામનગર સહિત સમગ્ર હાલાર પંથકમાં તાપમાનમાં વધરો થતા આકરા તાપમાં પણ વધારો થઈ રહ્યો હતો. અસહ્ય ગરમીના પગલે હાલારવાસીઓ હાલાકીનો સામનો કરી રહ્યાં હતાં. નગરમાં ગઈકાલે પલટાયેલા વાતાવરણના પગલે પવનની ગતિમાં વધારો થયો હતો.
જામનગરમાં આજે સવારે પૂરા થતા ચોવિસ કલાક દરમિયાન પવનની ગતિ વધીને પ્રતિ કલાકની સરેરાશ ૪૦ થી ૪પ કિ.મી.ની રહેવા પામી હતી. ઝપાટાબંધ ફૂંકાતા તેજીલા વાયરાઓના પગલે ધૂળના કણ આંખમાં પડતા રાહદારીઓ તથા વાહનચાલકોને હાલાકીનો સામનો કરવો પડ્યો હતો.
તેજીલા વાયરાઓના પગલે સતત વધતા તાપમાન પર બ્રેક લાગી ગઈ હતી. મહત્તમ તાપમાનનો પારો એક જ દિવસમાં ૩.૭ ડીગ્રી સુધી નીચે સરકીને ૩પ.૮ ડીગ્રીએ પહોંચી ગયો હતો. તીવ્ર ગતિએ ફૂંકાતો પવન અને મહત્તમ તાપમાનમાં થયેલા ઘટાડાના પગલે બપોરે અનુભવાતા આકરા તાપમાં ઘટાડો થતા જનતાને હાશકારો થયો હતો. સાંજથી સમગ્ર વાતારવણમાં ઠંડક પ્રસરી જવા પામી હતી.
નગરમાં છેલ્લા ચોવિસ કલાકમાં ૧ ડીગ્રી વધારા સાથે લઘુત્તમ તાપમાન ર૪.પ ડીગ્રી નોંધાયું હતું. વાતાવરણમાં ભેજનું પ્રમાણ ૧૦% વધીને ૮૦% રહ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
