સિક્કામાં અગાઉ એક યુવાનને ઝીંકાયેલા ફડાકાના કારણે બે પરિવાર વચ્ચે બઘડાટી

Author: નોબત સમાચાર

સિક્કામાં અગાઉ એક યુવાનને ઝીંકાયેલા ફડાકાના કારણે બે પરિવાર વચ્ચે બઘડાટી

બંને પક્ષે હુમલાની સામસામી ફરિયાદ નોંધાવીઃ

જામનગર તા. ૨૪: જામનગરના સિક્કામાં થોડા સમય પહેલાં બે યુવાન વચ્ચે થયેલી બોલાચાલી પછી એક યુવાને ફડાકો ઝીંક્યો હતો. તે બાબતે રવિવારે રાત્રે આ બંને યુવાનના પરિવાર વચ્ચે મારામારી થઈ હતી. બંને પક્ષે સામસામી ફરિયાદ નોંધાવી છે. એક મહિલા સહિત બેને ઈજા થઈ છે.

જામનગર તાલુકાના સિક્કા ગામમાં પંચવટી રોડ પર વસવાટ કરતા અબુ ભખરભાઈ અલવાણી અને તેમના મિત્ર સહિતના વ્યક્તિ રવિવારે રાત્રે પોતાના ઘર પાસે બેઠા હતા ત્યારે ત્યાંથી પસાર થયેલા આમીન સુંભણીયાને રોકી અબુભાઈએ તમારા પુત્ર સાહિલે મારા પુત્રને ફડાકો કેમ માર્યાે હતો? તેમ પૂછતા બોલાચાલી થયા પછી આમીન તેમજ ઈસ્માઈલ બેલાઈ, શબ્બીર સુંભણીયા, અનિલ માલમ બેલાઈ નામના શખ્સોએ લાકડી, પથ્થરથી હુમલો કરી માર માર્યાે હોવાની ફરિયાદ પોલીસમાં કરવામાં આવી છે.

તે ફરિયાદની સામે સખીનાબેન મામદ સુંભણીયાએ વળતી ફરિયાદ નોંધાવી છે. જેમાં તેઓએ જણાવ્યા મુજબ રવિવારે રાત્રે પુત્ર આમીન સાથે તેઓ જ્યારે અબુ ભખર અલવાણીના ઘર પાસેથી પસાર થયા ત્યારે સખીનાબેનના પૌત્ર સાહિલે અગાઉ એક યુવાનને ફડાકો માર્યાે હોવાનો ખાર રાખી બિલાલ અલવાણી, ભખર અલવાણી, સમીર, અફઝલ અલવાણીએ બોલાચાલી કર્યા પછી પથ્થર-લાકડીથી હુમલો કરી માર માર્યાે હતો. પોલીસે બંને ફરિયાદ રજીસ્ટરે લઈ તપાસ હાથ ધરી છે.

જો આપને આ પોસ્ટ ગમી હોય તો શેર કરો...