Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ગઈકાલે ધ્રોલમાં એક, જામજોધપુરમાં અડધો ઈંચ અન્યત્ર ઝાપટાં
જામનગર તા. ૨૪: જામનગર જિલ્લાના ધ્રોલમાં ગઈકાલે મેઘરાજાએ મેઘસવારી અવિરત ચાલુ રાખી હતી. અને વધુ એક ઈંચ વરસાદ પડયો હતો, જયારે જામજોધપુરમાં પણ અડધો ઇંચ પાણી પડ્યું હતું. ગ્રામ્ય વિસ્તારમાં જાલીયાદેવાણી ગામમાં ધોધમાર દોઢ ઇંચ વરસાદ પડયો હતો. જયારે જામવણથલી, મોટી ભલસાણ, લૈયારા તેમજ હરીપર ગામમાં અડધાથી એક ઇંચ વરસાદ નોંધાયો હતો.
જામનગર જિલ્લામાં રવિવાર સાર્વત્રિક વરસાદ નોંધાયા બાદ ગઈકાલે સોમવારના દિવસે ધ્રોલમાં તેમજ જામજોધપુરમાં મેઘ સવારી અવિરત ચાલુ રહી હતી, અને ધ્રોળ પંથકમાં એકા ઇંચ વરસાદ પડી ગયો હોવાના અહેવાલ પ્રાપ્ત થયા છે. સાથે સાથે જામજોધપુર તાલુકામાં પણ અડધો ઇંચ વરસાદ નોંધાયો હતો. જિલ્લા કલેક્ટર કચેરીના કંટ્રોલ રૂમના જણાવ્યા અનુસાર ધ્રોલમાં આજે સવારે ૮.૦૦ વાગ્યા સુધીના સમયગાળા દરમિયાન ૨૦ મી.મી. વરસાદ નોંધાયો હતો, ત્યારે જામજોધપુરમાં ૧૪ મી.મી.વરસાદ નોંધાયો છે.
જામનગર જિલ્લાના ધ્રોલ તાલુકાના જાલીયાદેવાણી ગામમાં ૩૦ મી.મી. વરસાદ નોંધાયો હતો. જયારે જામનગર તાલુકાના જામવાડી ગામમાં ૨૮ મી.મી.અને મોટી ભલસાણ ગામમાં ૧૫ મી.મી. વરસાદ નોંધાયો હતો.
ધ્રોલ તાલુકાના લૈયારા ગામમાં ૧૭ મી.મી., તેમજ લાલપુરના હરીપર ગામમાં ૨૦ મી.મી. વરસાદ નોંધાયો હતો. આ ઉપરાંત ધ્રોળ તાલુકા અને જામજોધપુર તાલુકાના ગ્રામ્ય વિસ્તારમાં છુટા છવાયા વરસાદી ઝાપટાં વરસ્યા હતા. જોકે આજે સવારથી સર્વત્ર ઉઘાડ નીકળી ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial