Author: નોબત સમાચાર
કોરોનાના સંભવિત સંક્રમણ સંદર્ભમાં દેવભૂમિ દ્વારકા જિલ્લામાં તંત્ર સજ્જ
હોસ્પિટલોમાં પૂરતા બેડ તથા સારવારની વ્યવસ્થાઃ
ખંભાળિયા તા. ર૮: સમગ્ર ભારત તથા ગુજરાત અને ખંભાળિયા-જામનગર સુધી કોરોનાનો નવો વેરીએન્ટ સંક્રમણ થઈ ગયું છે, ત્યારે દ્વારકા જિલ્લામાં પણ આરોગ્ય વિભાગ દ્વારા સંપૂર્ણ તૈયારી તથા સંભવિત સંક્રમણ માટે પૂરી તૈયારીઓ કરાઈ છે.
દેવભૂમિ દ્વારકા જિલ્લા કલેક્ટર શ્રી આર.એમ. તન્ના તથા અધિક નિવાસી કલેક્ટર શ્રી ભૂપેશ જોટાણિયાના માર્ગદર્શનમાં જિલ્લા આરોગ્ય અધિકારી ડો. ચિરાગ ચોબીસા દ્વારા સમગ્ર જિલ્લામાં વ્યવસ્થા ગોઠવાઈ છે. હાલ એક પણ કોરોનાનો કેસ નોંધાયો નથી, પણ સાવચેતી માટે સમગ્ર જિલ્લાની તમામ પ્રાથમિક તથા સામૂહિક હોસ્પિટલો તથા ખાનગી હોસ્પિટલોમાં પૂરતા બેડ તથા સારવારની વ્યવસ્થા કરાઈ છે.
સરકારી તથા ખાનગી હોસ્પિટલમાં રોજ કોરોના સંદર્ભમાં બે હજાર ટેસ્ટ થાય તેવી ક્ષમતા સાથેની વ્યવસ્થા જરૂરી ટેસ્ટીંગ કીટ, વેન્ટીલેટર, ઓક્સિજન બોટલ ટેન્કમાં પૂરતા ગેસનો જથ્થો રાખવા અત્યારથી જ આયોજન થયું છે. જિલ્લાની ગ્રામ્ય હોસ્પિટલ, ખંભાળિયાની સરકારી હોસ્પિટલ તથા દ્વારકાની સબ જિલ્લા હોસ્પિટલમાં ખાસ વ્યવસ્થા સાથે આઈ.સી.યુ.ના ૭૪ બેડની પણ વ્યવસ્થા કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
