ભાણવડમાં બાળકો પર પથ્થરના ઘા કરી વાહનમાં ફટકારાઈ લાકડી

Author: નોબત સમાચાર

ભાણવડમાં બાળકો પર પથ્થરના ઘા કરી વાહનમાં ફટકારાઈ લાકડી

દ્વારકામાં વેપારી પર ધોકાથી હુમલોઃ

જામનગર તા. ર૮: ભાણવડ શહેરમાં રોડ પર રમતા કેટલાક બાળકો પર એક શખ્સે પથ્થરના છૂટા ઘા કર્યા પછી પોતાના ઘરમાંથી લાકડી કાઢી ત્યાં પડેલા વાહનોમાં નુકસાન કર્યું હતું અને એક વાડીના ડેલામાં લાકડી ફટકારી હતી. જ્યારે દ્વારકામાં દુકાન બંધ કરીને જતા વેપારીને ધોકો ફટકારી ઈજા કરી હતી.

દેવભૂમિ દ્વારકા જિલ્લાના ભાણવડ શહેરમાં લક્ષ્મીનગર સોસાયટીમાં ગઈકાલે સાંજે ભૂપતભાઈ છગનભાઈ ઘેટીયા નો પુત્ર જેનીલ તથા અન્ય બાળકો રમતા હતા ત્યારે એક શખ્સે પથ્થરના છૂટા ઘા શરૂ કર્યા હતા. જેમાં જેનીલને માથામાં ઈજા થઈ હતી. તે પછી આ શખ્સે લાકડી સાથે ધસી આવી પટેલ સમાજની વાડી બહાર પડેલા વાહનોમાં લાકડી ફટકારી હતી. આ શખ્સ સામે ભાણવડ પોલીસ સ્ટેશનમાં ભૂપતભાઈએ રાવ કરી છે.

દ્વારકા શહેરમાં ટીવી સ્ટેશન રોડ પર રિદ્ધિ સિદ્ધિ સોસાયટીમાં રહેતા રાજ ઉર્ફે રાજેશભાઈ વિનોદભાઈ ભાયાણી સોમવારે રાત્રે પોતાની દુકાન બંધ કરી જતા હતા ત્યારે માર્ગમાં રૂપેણ બંદરવાળા અસલમ આદમ ઉર્ફે ડેડકી નામના શખ્સે ધોકો મારી વાહન ઉભુ રખાવ્યા પછી ઝપાઝપી કરી હતી. તેનાથી બચવા રાજેશભાઈએ દોટ મૂકતા પાછળ ધસી આવેલા અસલમે જાનથી મારી નાખવા અંગે ધમકી આપી હતી. દ્વારકા પોલીસે ગુન્હો નોંધી આરોપીની શોધ આરંભી છે.

જો આપને આ પોસ્ટ ગમી હોય તો શેર કરો...