Author: નોબત સમાચાર
યુદ્ધની સ્થિતિ અંગે લોકોને જાગૃત રાખવા કાલે ગુજરાત સહિત ચાર રાજ્યોમાં મોકડ્રીલ
આજે સાંજે જામનગર સહિત રાજ્યના કલેક્ટરો સાથે સૂચિત વીડિયો કોન્ફરન્સ
ગાંધીનગર તા. ર૮: ઓપરેશન સિંદૂરમાં વિરામ રખાયો છે, ત્યારે યુદ્ધની સ્થિતિમાં લોકોને જાગૃત રાખવા માટે આવતીકાલે ગુજરાત સહિત ચાર રાજ્યોમાં મોકડ્રીલ યોજવાની જાહેરાત આજે થઈ શકે છે. જામનગરમાં પણ આ સંદર્ભે તૈયારીઓ થવા લાગી હોવાનું જાણવા મળે છે.
ઓપરેશન સિંદૂર પછી ભારત-પાકિસ્તાન વચ્ચે યુદ્ધ જેવી સ્થિતિ સર્જાઈ હતી. તે પહેલા જ સરકારે ગુજરાત સહિત દેશના વિવિધ જિલ્લામાં મોકડ્રીલ યોજી હતી. સરહદ પર સીઝફાયર થયા પછી ફરી એકવાર ગુજરાત સહિત પાંચ રાજ્યોમાં સિવિલ ડિફેન્સની મોકડ્રીલ યોજવાનો નિર્ણય કરાયો હોવાનું જાણવા મળે છે.
ઓપરેશન સિંદૂરે વિરામ લીધો છે, ત્યારે ગુજરાત સહિત પાંચ રાજ્યોમાં ર૯ તારીખે મોકડ્રીલ યોજાનાર હોવાની વિધિવત્ જાહેરાત આજે અધિકૃત પ્રેસ કોન્ફરન્સમાં થઈ શકે છે.
આવતીકાલે ગુરુવારે સરહદી રાજ્ય ગુજરાત ઉપરાંત રાજસ્થાન, પંજાબ, અને જમ્મુ-કાશ્મીરમાં સાંજે પ થી ૮ વાગ્યા સુધી મોકડ્રીલ યોજવાનો નિર્ણય કરાયો છે.
ઉલ્લેખનિય છે કે, 'ઓપરેશન સિંદૂર' પછી પાકિસ્તાન સામે તણાવ વધવાની શક્યતા જોતા ૭ મે ના દેશના સિવિલ ડિફેન્સ ડિસ્ટ્રીક્ટમાં મોકડ્રીલ યોજાઈ હતી. ગુજરાતના ૧૮ જિલ્લામાં પણ મોકડ્રીલ યોજવામાં આવી હતી. રર દિવસ પછી હવે ફરી ગુજરાતમાં સિવિલ ડિફેન્સની મોકડ્રીલ યોજવાનો નિર્ણય કરાયો હોવાના વહેતા થયેલા અહેવાલો પછી તંત્રોમાં હલચલ જોવા મળે છે. આજે સાંજે કલકેટરો સાથે રાજ્ય સરકારની વીડિયો કોન્ફરન્સમાં પણ આ મુખ્ય મુદ્દો હોવાનું જાણવા મળે છે.
જામનગરના કલેક્ટર કેતન ઠક્કરે 'નોબત' સાથેની વાતચીતમાં જણાવ્યું હતું કે, રાજ્ય સરકારની સૂચના મુજબ આવતીકાલે સાંજે પ થી ૮ સુધી મોકડ્રીલ યોજાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
