Author: નોબત સમાચાર
ભાણવડ તાલુકાના હાથલા ગામે શનિદેવ મંદિરે ઉમટયો માનવ મહેરામણ
શનિદેવ જયંતી નિમિત્તે
ખંભાળિયા તા. ર૮: ખંભાળિયા તાલુકાના હાથલા ગામે શનિદેવ મંદિરે શનિદેવ જયંતી નિમિત્તે માનવ મહેરામણ દર્શન-પૂજા અર્થે ઉમટી પડ્યો હતો.
અત્યંત પ્રાચીન શનિદેવની બે પ્રાચીન મૂર્તિઓ તથા સાડાસાતી તથા અઢી વર્ષની પનોતીદેવીના સાંનિધ્યમાં પૂજા કરવા, મનોતી ઉતારવા લાઈનો લાગી હતી, તો મંદિરના ટ્રસ્ટીઓ તથા પૂજારીઓ દ્વારા તથા સ્થાનિક વહીવટી તંત્ર, પોલીસ તંત્ર દ્વારા પણ વ્યવસ્થા કરવામાં આવી હતી. નજીકના ખેતરોમાં વિશાળ પાર્કિંગ ઊભા કરાયા હતાં, પણ ભાવિકોના ઘોડાપૂર થતા જ્યાં જુવો ત્યાં વાહનો અને લોકો દેખાતા હતાં. મંદિરના પ્રાંગણમાં બીલીવૃક્ષ નીચેના મહાદેવની પૂજા કરવા, હનુમાનજીના પ્રાચીન મંદિરે નાળિયેર વધેરવા, શનિદેવને તેલ ચડાવવા, પૂજા કરવા પણ કતારો લાગી હતી, તો બ્રાહ્મણો પાસે વિધિ કરવા તથા પનોતીરૂપે બૂટ-ચપ્પલો લોકોએ છોડતા ટ્રેક્ટરો ભરાયા હતાં.
અત્યંત પ્રાચીન તથા સમગ્ર ભારતભરમાં શનિદેવનું એકમાત્ર જન્મ સ્થળ તથા સમગ્ર ભારતમાં પનોતી દેવીના મંદિરો અહીં જ હોય, ગઈકાલે સમગ્ર ગુજરાતના અનેક સ્થળેથી શ્રદ્ધાળુઓ અહીં આવ્યા હતાં તથા ખાસ કરીને જેમને પનોતી ચાલે છે અઢી વર્ષ તથા સાડાસાત વર્ષવાળા મોટી સંખ્યામાં ઉમટ્યા હતાં. ભાણવડ પી.આઈ. કે.બી. રાજવી તથા મામલતદારશ્રી ભાણવડ પણ વ્યવસ્થામાં જોડાયા હતાં તથા મંદિરના ટ્રસ્ટી તથા પૂજારીઓ વિનોદપુરી, દિનેશપુરી, કેવીનપુરી, ઈશ્વરપુરી, હિતેષપુરી, ગોવિંદપુરી વિગેરે દ્વારા ખાસ વ્યવસ્થા ભાવિકો માટે દર્શનની કરાઈ હતી તથા આફ્રિકાના જાણીતા જ્યોતિષી સંજયભાઈ થાનકી તથા અન્ય સેવકો, શનિદેવ ભક્તો માટે બુંદી-ગાંઠિયાના પ્રસાદની પણ વ્યવસ્થા કરવામાં આવી હતી.
સોમવાર રાત્રિથી મંગળવાર રાત્રિ સુધીમાં બેથી અઢી લાખ ભાવિકો દર્શન કરવા-પૂજા કરવા અહીં ઉમટ્યા હતાં. રાજ્ય મંત્રી મૂળુભાઈ બેરા પણ વીડિયો કોલના માધ્યમથી જોડાયા હતાં તથા જિલ્લા વહીવટી તંત્ર દ્વારા તથા પ્રવાસન વિભાગ દ્વારા રાત્રે રાજભા ગઢવી તથા મયુર દેવનો લોકડાયરો યોજાયો હતો, જે સાડાબાર વાગ્યા સુધી ચાલ્યો હતો. તેમાં પણ મોટી સંખ્યામાં ભાવિકો જોડાયા હતાં, તો જિલ્લા વહીવટી તંત્ર દ્વારા મેડિકલ ચેકઅપની વ્યવસ્થા પણ મંદિરના સ્થળે કરવામાં આવી હતી જેનો લાભ પણ હજારો લોકોએ લીધો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
