Author: નોબત સમાચાર
ખોડિયાર કોલોની પાસે નાસ્તાની રેંકડી નજીકથી ૨૦ બોટલ દારૂ સાથે ત્રણ ઝબ્બે
દારૂ તથા સ્કૂટર પોલીસે કબજે કરી લીધાઃ
જામનગર તા. ૯: જામનગરના ખોડિયાકોલોની રોડ પર મોલની સામે ચાઈનીઝની રેંકડી નજીક કાલે રાત્રે અંગ્રેજી શરાબની હેરફેર કરતા ત્રણ શખ્સને પોલીસે દબોચી લીધા હતા. ૨૦ બોટલ દારૂ અને સ્કૂટર મળી રૂપિયા અડધા લાખનો મુદ્દામાલ કબજે કરાયો છે.
જામનગરના ખોડિયાર કોલોની રોડ પર આવેલા મોલ સામે ચાઈનીઝની એક રેંકડી નજીક ત્રણ શખ્સ સ્કૂટરમાં દારૂની હેરાફેરી કરતા હોવાની બાતમી પરથી ગઈરાત્રે સિટી સી ડિવિઝનના સર્વેલન્સ સ્ટાફે વોચ રાખી હતી. તે દરમિયાન રાજુ ચાઈનીઝ નામની રેંકડી પાસેથી જીજે-૧૦-બીબી ૯૩૫૪ નંબરના સ્કૂટર સાથે સ્વામી નારાયણ સોસાયટીમાં રહેતો દિવ્યરાજસિંહ જુવાનસિંહ અને તેનો ભાઈ કૃષ્ણરાજસિંહ જુવાનસિંહ વાળા તથા કામદાર કોલોનીમાં રહેતો રાજેશ રમણીકલાલ ગોસરાણી નામના ત્રણ શખ્સ મળી આવ્યા હતા. તેઓના કબજામાંથી દારૂની ૨૦ બોટલ સાંપડી છે. પોલીસે રૂ. ૪૦ હજારનું સ્કૂટર, રૂ. ૧૦ હજારનો દારૂ કબજે કરી ત્રણેય શખ્સ સામે દારૂબંધી ભંગ અંગે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
