Author: નોબત સમાચાર
ગોકુલનગર સાંઢીયા પુલ પાસેથી ચોરાયેલી રિક્ષા સાથે ખેડાના શખ્સને દબોચી લેવાયો
ચોરાઉ ઓટો રિક્ષા ઝબ્બે લેવાઈઃ
જામનગર તા. ૯: જામનગરના ગોકુલનગર સાંઢીયા પુલ પાસેથી ગયા સપ્તાહે એક આસામીની ઓટો રિક્ષા ચોરાઈ ગઈ હતી. તેની તપાસ દરમિયાન પોલીસે ધરારનગરથી સાત નાલા તરફ ચોરાઉ રિક્ષા લઈને જતાં મૂળ ખેડા જિલ્લાના શખ્સને દબોચી લીધો છે. ચોરાઉ રિક્ષા કબજે કરવામાં આવી છે.
જામનગરના ગોકુલનગર વિસ્તાર પાસે સાંઢીયા પુલ નજીકથી એક આસામીની રિક્ષા ચોરાઈ ગયાની પોલીસમાં ફરિયાદ કરાઈ હતી. તેની તપાસ સિટી સી ડિવિઝનના સ્ટાફે શરૂ કરી હતી. જેમાં સ્ટાફના યશપાલસિંહ, હોમદેવસિંહ, યુવરાજસિંહને બાતમી મળી હતી.
તે બાતમીથી પીઆઈ જે.વી. ચૌધરીને વાકેફ કરાયા પછી મૂળ ખેડા જિલ્લાના કઠલાલ ગામના વતની અને હાલમાં ગોકુલનગર પાસે રહેતા રાજેન્દ્રસિંહ ચતુરસિંહ ઉર્ફે માધવસિંહ સોલંકી નામના શખ્સને દબોચી લેવાયો છે. તેની પાસેથી જીજે-૧૦-ટીડબલ્યુ ૬૧૬૦ નંબરની રિક્ષા કબજે કરાઈ છે. આરોપીની ધરપકડ કરી પોલીસે પૂછપરછ યથાવત રાખી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
