Author: નોબત સમાચાર
દાણીધાર ધામમાં પાવન ગુરૂપૂર્ણિમાઃ સમાધિ મંદિરે પ૧ થાળ ધરાવાયો
બાર સમાધિનું પૂજન-મહાપ્રસાદ સહિતના કાર્યક્રમોઃ
જામનગર તા. ૯: જામનગર જિલ્લાના અને કાલાવડ (શિતલા) તાલુકામાં આવેલ સંતશ્રી નાથજીભા દાદની પાવનકારી તથા સંતશ્રી ઉપવાસી બાપુની તપોભૂમિ દાણીધાર ધામમાં આ વર્ષે પણ ગુરુપૂર્ણિમાના પર્વની ધામધૂમથી ઉજવણી કરવામાં આવી હતી. જેમાં બાર સમાધિ અને ચરણ પાદૂકાનું પૂજન કરવામાં આવ્યું હતું તથા સમાધિ મંદિરે પ૧ થાળ ધરાવવામાં આવ્યા હતાં. છેલ્લા ૧૧ વર્ષથી સાંસદ પૂનમબેન માડમ તરફથી મહંત શ્રી સુખદેવદાસજી બાપુને શાલ ઓઢાડી સન્માન કરવામાં આવે છે. જેના માટે સાંસદ કાર્યાલયના પ્રવીણભાઈ મોદીએ શ્રી સુખદેવદાસજી બાપુનું સન્માન કર્યું હતું. આ તકે દાણીધાર ધામના પ્રમુખ ભાવસિંહજી ડાભી અને ટોડા ગામના સતુભા જાડેજા ઉપસ્થિત રહ્યા હતાં. દાણીધાર, મુળીલા, ટોડા સહિતના ગામોના સેવકોએ રસોઈ તથા અન્ય વ્યવસ્થામાં સેવા આપી હતી. આ પ્રસંગે ૪૦૦૦ થી વધુ લોકોએ ઉપસ્થિત રહીને પ્રસાદ ગ્રહણ કર્યો હતો. મહંતશ્રી સુખદેવદાસજી ગુરુશ્રી ચતુર્ભૂજદાસ (શ્રી ઉપવાસી બાપુ) એ સૌને આશીર્વચન આપ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
