Author: નોબત સમાચાર
જામનગર જિલ્લા કક્ષાનું સ્વાતંત્ર્ય પર્વ જામજોધપુરમાં ઉજવાશેઃ કલેકટરે યોજી બેઠક
અધિકારીઓને વિવિધ જવાબદારીઓ સોંપાઈ
જામનગર તા. ૯: ૧પ ઓગસ્ટના સ્વાતંત્ર્ય પર્વની જિલ્લા કક્ષાની ઉજવણી જામજોધપુરમાં યોજાશે. જિલ્લા કલેકટર બી.કે. પંડ્યાના અધ્યક્ષસ્થાને ઉજવણીના સુચારૃં આયોજન અંગેની બેઠક યોજાઈ હતી અને જિલ્લા કક્ષાના કાર્યક્રમને સુપેરે પાર પાડવા અધિકારીઓને સૂચના તથા જરૂરી માર્ગદર્શન અપાયું હતું.
આગામી તા. ૧પ ઓગસ્ટના સ્વાતંત્ર્ય પર્વની જિલ્લા કક્ષાની ઉજવણી જામજોધપુરમાં યોજાનાર છે જે ઉજવણી સુચારૂ રીતે યોજાય તે માટે જિલ્લા કલેકટર બી.કે. પંડ્યાના અધ્યક્ષસ્થાને કલેકટર કચેરીના સભાખંડમાં બેઠકનું આયોજન કરાયું હતું. આ બેઠકમાં કલેકટરએ લગત અધિકારીઓને જરૂરી વ્યવસ્થા તથા આયોજન અંગે સૂચના અને જરૂરી માર્ગદર્શન આપ્યું હતું.
રાષ્ટ્રીય પર્વની ઉજવણીનો અવસર શાનદાર બને તે માટે કલેકટરએ કાર્યક્રમની રૂપરેખા પ્રમાણે તબક્કાવાર આયોજનો હાથ ધરવા વિભાગોને સૂચન કર્યું હતું. રાષ્ટ્રીય પર્વની ઉજવણી ઉત્સાહભેર થાય અને જિલ્લાવાસીઓ આ ઉજવણીમાં સહભાગી બને તથા કાર્યક્રમના સ્થળ પર બેઠક વ્યવસ્થા, મંડપ, પીવાનું પાણી, આરોગ્ય સેવા, વગેરે સવલત અંગે કલેકટરએ અધિકારીઓને જરૂરી માર્ગદર્શન આપ્યું હતું. જિલ્લા કક્ષાના કાર્યક્રમનું સુચારૃં આયોજન થાય તે માટે ડેકોરેશન અને રોશની, બેઠક વ્યવસ્થા, વૃક્ષારોપણ, પરેડ, ફલેગ માર્ચ, ગ્રાઉન્ડ, રાષ્ટ્રધ્વજ, ધ્વજ પોલ, બેરીકેટ, સાઉન્ડ સિસ્ટમ, પાર્કિંગ અને ટ્રાફિક વ્યવસ્થા, સ્વચ્છતા આરોગ્ય વ્યવસ્થા, નિમંત્રણ કાર્ડ વગેરે વ્યવસ્થાઓ સુનિશ્ચિત કરવા પણ સંબંધિત અધિકારીઓને સૂચના અપાઈ હતી.
આ બેઠકમાં જિલ્લા વિકાસ અધિકારી વિકલ્પ ભારદ્વાજ, પોલીસ અધિક્ષક પ્રેમસુખ ડેલુ, નિવાસી અધિક કલેકટર બી.એન. ખેર, તમામ પ્રાંત અધિકારીઓ સહિત સંલગ્ન વિભાગના અધિકારીઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
