Author: નોબત સમાચાર
આરંભડામાં મોટરમાંથી ઝડપાઈ દારૂની ૨૦ પેટી, બીયરના ૨૩ ટીનઃ બેની અટક
નગરમાંથી બોટલ સાથે એક ઝડપાયોઃ
જામનગર તા. ૧૮: ઓખામંડળના આરંભડામાં આવેલી એક સોસાયટી પાસેથી ગઈકાલે મીઠાપુર પોલીસે મોટરમાં લઈ જવાતી અંગ્રેજી શરાબની ૨૦ પેટી તથા બીયરના ૨૩ ટીન કબજે કર્યા છે. મોટર, દારૂ, બીયર, મોબાઈલ સહિત રૂપિયા સાડા પાંચેક લાખના મુદ્દામાલ સાથે બે શખ્સની ધરપકડ કરવામાં આવી છે. જ્યારે નગરના સુમેર કલબ રોડ પરથી મોટર સાથે એક શખ્સ ઝડપાયો છે.
દેવભૂમિ દ્વારકા જિલ્લાના ઓખામંડળમાં આવેલા મીઠાપુર તેમજ આજુબાજુના વિસ્તારોમાં ગઈકાલે સાંજે મીઠાપુર પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં પીએસઆઈ ડી.એન. વાંઝાને બાતમી મળી હતી કે, આરંભડા ગામની સીમમાં આવેલી જય અંબે સોસાયટીમાં એક મોટરમાં અંગ્રેજી શરાબની હેરાફેરી થઈ રહી છે.
તે બાતમીથી પીઆઈ ટી.સી. પટેલને વાકેફ કરાયા પછી મીઠાપુર પોલીસ સ્ટેશનના સ્ટાફે જયઅંબે સોસાયટી પાસેથી જીજે-૩૭-ટી ૯૨૬૦ નંબરની સ્વીફ્ટ મોટર પકડી પાડી હતી. તે મોટરની તલાશી લેવાતા તેમાંથી ભારતીય બનાવટના અંગ્રેજી શરાબની જુદી જુદી બ્રાંડની ૨૪૦ બોટલ તથા બીયરના ૨૩ ટીન મળી આવ્યા હતા. આ જથ્થા સાથે જયઅંબે સોસાયટીમાં રહેતા જીગર સાગરભાઈ પંડયા તથા સુરજકરાડીના અરજણભા ગાંગાભા માણેક ઉર્ફે અજય નામના શખ્સોની ધરપકડ કરવામાં આવી છે.
આ શખ્સોના બે મોબાઈલ તેમજ દારૂની બોટલ, બીયરના ટીન અને મોટર મળી કુલ રૂ.૫,૬૩,૭૪૦નો મુદ્દામાલ પોલીસે કબજે કરી લીધો છે. બંને શખ્સની રિમાન્ડ મેળવવા તજવીજ કરાઈ રહી છે.
જામનગરના સુમેર કલબ રોડ પરથી ગઈકાલે રાત્રે પસાર થઈ રહેલા ખોજાનાકા નજીકના મેઘવારવાસમાં રહેતા કિશોર અનિલભાઈ મકવાણા નામના શખ્સને પેટ્રોલિંગમાં રહેલા સિટી એ ડિવિઝનના સર્વેલન્સ સ્ટાફે રોકાવી તેની તલાશી લેતા આ શખ્સના કબજામાંથી દારૂની બોટલ મળી આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
