Author: નોબત સમાચાર
જામનગરમાં આગામી તા. ર૧ અને રર ના સેવા સેતુ કાર્યક્રમ યોજાશે
તમામ સેવા એક જ સ્થળે મળશેઃ
જામનગર તા. ૧૮: જામનગર મહાનગરપાલિકા દ્વારા આગામી તા. ર૧ અને રર સપ્ટેમ્બરે સેવા સેતુ કાર્યક્રમનું ટાઉન હોલમાં આયોજન કરવામાં આવ્યું છે.
નગરજનો એક જ સ્થળે અનેક સેવા સુવિધાનો લાભ મળી રહે તે હેતુથી જામનગર મહાનગરપાલિકા દ્વારા સેવા સેતુ કાર્યક્રમનું આયોજન કરવામાં આવ્યું છે.
ટાઉનહોલમાં સવારે ૯ થી સાંજે પાંચ વાગ્યા સુધી આ કાર્યક્રમ યોજાશે જેમાં તા. ર૧-૯-ર૪ ના વોર્ડ નં. ૧ થી ૮, અને તા. રર-૯ના વોર્ડ નં. ૯ થી ૧૬ ના અરજદારો લાભ લઈ શકશે.
આ સેવા સેતુ કાર્યક્રમમાં મહાનગરપાલિકાના વિભાગો જેવા કે, જન્મ-મરણના દાખલાઓ, લગ્ન નોંધણીના પ્રમાણપત્રો, પ્રોપર્ટી ટેક્સના પ્રશ્નો, કારખાના લાયસન્સ, હેલ્થ ચેકઅપ, વોટર વર્કસ અંગેના મુદ્દાઓ, વ્યક્તિગત રીતે કોઈ અરજદારને લેવાનાં હોય તે લેવામાં આવશે. આ ઉપરાંત સરકારની સેવાઓ જેવી કે આવકનો દાખલો, વૃદ્ધ પેન્શન, વિધવા પેન્શન, રાશન કાર્ડ, ક્રિમીલિયેર સર્ટી, જાતિનો દાખલો, પીજીવીસીએલ લગત મુદ્દા, સમાજ કલ્યાણ, પછાત વર્ગ વિભાગ હસ્તકના દાખલાઓ અને સર્ટીફિકેટ, તેમજ લેન્ડ રેકોર્ડ લગત મુદ્દાઓ આધાર કાર્ડની કામગીરી જેમ કે આધાર કાર્ડ સંલગ્ન મોબાઈલ નંબર પરિવર્તન, આઈસીડીએસ બાળકોના આધાર કાર્ડ, ૦ થી પ વર્ષના બાળકોના આધાર કાર્ડ, રેવન્યુ રેકોર્ડ, વારસાઈ અરજી, ઘરેલુ નવા વીજ જોડાણની અરજીઓ, મેડિકલ કેમ્પ, બેંક લોન અંગે માર્ગદર્શન, ભીમ એપ, કેશલેશ લીટરેશી, વગેરે કાર્યવાહી કરવામાં આવશે જેનો લાભ તથા અનુરોધ કરવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
