Author: નોબત સમાચાર
દરેડના મસીતિયા રોડ પર રાંધણગેસનું ગેરકાયદે રીફીલીંગ કરતો શખ્સ ઝડપાયો
ખાલી-ભરેલા ત્રણ બાટલા, વજનકાંટો કરાયા કબજેઃ
જામનગર તા. ૧૮: જામનગર નજીકના દરેડ પાસે મસીતિયા રોડ પર ગઈકાલે રાંધણગેસના ભરેલા બાટલા માંથી ખાલી બાટલામાં રીફીલીંગ કરી રહેલા એક શખ્સને પોલીસે દબોચી લીધો છે. સ્થળ પરથી ખાલી-ભરેલા ત્રણ બાટલા તથા વજનકાંટો કબજે કરવામાં આવ્યા છે.
જામનગર નજીકના દરેડ પાસેના મસીતિયા રોડ પર એક દુકાનમાં ગેરકાયદેસર રીતે ગેસ રીફીલીંગ કરાતું હોવાની બાતમી પરથી ગઈકાલે સાંજે પંચકોશી બી ડિવિઝન પોલીસ સ્ટેશનના સ્ટાફે આલ્ફા સ્કૂલ નજીક કે.કે. એજન્સી નામની દુકાનમાં દરોડો પાડ્યો હતો.
આ સ્થળે રાંધણગેસના બાટલામાંથી ખાલી બાટલામાં રીફીલીંગ કરી રહેલા હાજી જુમાભાઈ ખફી નામનો મસીતિયા ગામનો શખ્સ મળી આવ્યો હતો. આ શખ્સ પોતાની તથા અન્ય લોકોની જિંદગી જોખમાય તે રીતે અને સેફ્ટીના કોઈપણ સાધન રાખ્યા વગર રીફીલીંગ કરતો હતો. પોલીસે સ્થળ પરથી ગેસ ભરેલો એક બાટલો તથા બે ખાલી બાટલા અને ઈલેકટ્રીક વજનકાંટો કબજે કરી લીધો છે. આ શખ્સ સામે પો.કો. જે.પી. જાડેજાએ ખુદ ફરિયાદી બની ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
