Author: નોબત સમાચાર
અરજીની તપાસ માટે ગયેલા પોલીસ કર્મચારીને ત્રણ શખ્સે માર માર્યાે
બે મિત્રોની દોસ્તી નહીં ગમતા ચાર શખ્સે કરી ધમાલઃ
જામનગર તા. ૧૮: ખંભાળિયાના ઝાકસીયા ગામમાં ગઈકાલે એક અરજીની તપાસ માટે ગયેલા પોલીસ કર્મચારીને ચાર શખ્સે ગાળો ભાંડી ફરજમાં રૂકાવટ કરી હતી. જ્યારે બે મિત્રોનો સંબંધ નહીં ગમતા શિવરાજપુરમાં ઘરમાં ઘૂસી ત્રણ શખ્સે ધમાલ મચાવી મારકૂટ કર્યાની પોલીસમાં ફરિયાદ કરવામાં આવી છે.
દેવભૂમિ દ્વારકા જિલ્લાના પોલીસતંત્રમાં ફરજ બજાવતા અને ખંભાળિયામાં પોલીસ લાઈનમાં રહેતા મહીદીપસિંહ સુરેન્દ્રસિંહ જાડેજા ખંભાળિયા તાલુકાના ઝાકસીયા ગામમાં ગઈકાલે પોતાની ફરજના ભાગ રૂપે એક અરજીની તપાસ માટે ગયા પછી ગામના ઝાપા પાસે ઉભા હતા.
આ વેળાએ ત્યાં ધસી આવેલા ઝાકસીયા ગામના નિલેશ જમનાદાસ કુબાવત, પ્રકાશ જમનાદાસ કુબાવત તેમજ વીરાભાઈ નાથાભાઈ વેસરા અને કાકાભાઈ સિંહણ ગામના મંગલદાસ પ્રભુદાસ નિમાવતે ગાળાગાળી કરી પોલીસમેન મહીદીપસિંહને જાનથી મારી નાખવાની ધમકી આપી ઢીકાપાટુથી માર મારવા ઉપરાંત તેઓની ફરજમાં રૂકાવટ કરી હતી અને અન્ય લોકો ઉશ્કેરાય તે પ્રકારે વર્તન કર્યું હતું. ખંભાળિયા પોલીસ મથકમાં મહીદીપસિંહે ફરિયાદ નોંેંધાવી છે.
દ્વારકા તાલુકાના શિવરાજ પુર ગામમાં રહેતા રાહુલભા કાનુભા ભઠડ નામના યુવાને દ્વારકા પોલીસ મથકમાં લખુભા નથુભા ગાધ, કેશુભા લખુભા ગાધ, સુનિલભા ગગુભા નાયાણી સામે ફરિયાદ નોંધાવી છે. જેમાં તેઓએ જણાવ્યા મુજબ રાહુલભાના મામાના દીકરા જુવાનસંગ અને કિશનભા લખુભા ગાધ ગાઢ મિત્રો છે અને બંને સાથે રહે છે. તે બાબત કિશનભાના પિતા લખુભાને ગમતી ન હતી. તેનો ખાર રાખી રાહુલભા પોતાના મામાના ઘરે સોમવારની રાત્રે સૂતા હતા ત્યારે ઘરમાં ઘૂસી ગયેલા લખુભા, કેશુભા, સુનિલભાએ ગાળો ભાંડી ઢીકાપાટુથી હુમલો કર્યાે હતો અને કેશુભાએ છરીથી રાહુલભાને હાથમાં ઈજા પહોંચાડી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
