Author: નોબત સમાચાર
જામજોધપુરના જૂની આંબરડી ગામની સીમમાં જુગારના દરોડામાં આઠ ઝડપાયા
મોખાણામાં બાવળની ઝાળીમાં તીનપત્તી રમતા ચાર ઝબ્બેઃ
જામનગર તા. ૧૮: જામનગર નજીકના મોખાણા ગામમાં ગઈકાલે બાવળની ઝાળીઓમાં જુગાર રમી રહેલા ચાર પત્તાપ્રેમીને પોલીસે પકડી પાડ્યા હતા. જ્યારે જામજોધપુર તાલુકાના જૂની આંબરડી ગામના સીમ વિસ્તારમાં ગઈરાત્રે તીનપત્તી રમતા આઠ શખ્સને પોલીસે દબોચી લીધા હતા.
જામનગર તાલુકાના મોખાણા ગામના પાટીયા પાસે ગઈકાલે બપોરે જાહેરમાં જુગાર રમાતો હોવાની બાતમી પરથી પંચકોશી બી ડિવિઝન પોલીસ સ્ટેશનના સ્ટાફે દરોડો પાડ્યો હતો. ત્યાં તીનપત્તી રમી રહેલા અજય છગનભાઈ મેથાણી, રામકરણ રામશીભાઈ ઘોડા, રોહિત જગાભાઈ ઝીંઝુવાડીયા, વેદાભાઈ ભીખાભાઈ હાજાણી નામના ચાર શખ્સ ઝડપાઈ ગયા હતા. પોલીસે પટમાંથી રૂ.૫૬૪૦ રોકડા કબજે કર્યા છે.
જામજોધપુર તાલુકાના જૂની આંબરડી ગામના સીમ વિસ્તારમાં ગઈરાત્રે ગંજીપાના કૂટી રહેલા રમેશભાઈ રણછોડભાઈ ભાલોડીયા, જીતેન્દ્રસિંહ રામભા જાડેજા, અશોકભાઈ જયંતીભાઈ પાનસરા, મહેન્દ્ર વિઠ્ઠલભાઈ વરાણીયા, મનસુખભાઈ ગાંડુભાઈ રતનપરા, અજય લાલજીભાઈ દવે, રાજેશ ખીમજીભાઈ જોષી, પ્રવીણભાઈ કારાભાઈ શિલુ નામના આઠ શખ્સ પોલીસના દરોડામાં ઝડપાઈ ગયા હતા. પટમાંથી રૂ.૧૭,૬૫૦ રોકડા તથા ત્રણ બાઈક મળી પોલીસે કુલ રૂ.૫૭,૬૫૦નો મુદ્દામાલ કબજે કર્યાે છે અને તમામ સામે જુગારધારાની કલમ ૧૨ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
