Author: નોબત સમાચાર
હડીયાણાની તાલુકા શાળા, કન્યા શાળા અને મા.શાળા દ્વારા ધ્વજવંદન
પ્રજાસત્તાક પર્વની ઉજવણીઃ સાંસ્કૃતિક કાર્યક્રમો
હડિયાણા તા. ર૭ઃ શ્રી હડિયાણા માધ્યમિક શાળાના પટાંગણમાં શ્રી તાલુકા શાળા-હડિયાણા અને શ્રી કન્યા શાળા હડિયાણા તેમજ માધ્યમિક શાળા હડિયાણાના સંયુકત ઉપક્રમે પ્રજાસત્તાક પર્વની ઉજવણી કરવામાં આવી હતી. આ કાર્યક્રમમાં ત્રણેય શાળાના બાળકો, ગ્રામજનો શિક્ષક મિત્રોએ હાજરી આપી હતી. દીકરીની સલામી દેશ કે નામ થીમ અનુસાર ગામની શિક્ષિત દીકરી ડોકટર રૃચિકાબેન કાનાણીના વરદ હસ્તે તિરંગો લહેરાવવામાં આવ્યો હતો. ત્યારપછી ઉદ્બોધન માધ્યમિક શાળાના આચાર્ય દ્વારા કરવામાં આવ્યું હતું. શાળા પરિવાર વતી સર્વેને પ્રજાસત્તાક પર્વની શુભકામનાઓ પાઠવવામાં આવી હતી. શાળાના બાળકો દ્વારા સાંસ્કૃતિક કાર્યક્રમ રજૂ કરવામાં આવ્યો હતો.
જેમાં કન્યાશાળાની વિદ્યાર્થીઓએ દેશભક્તિ ગીત, ડાન્સ અને પિરામિડ તેમજ માધ્યમિક શાળાની વિદ્યાર્થિની દ્વારા ગુજરાત ગૌરવ ગાથા દર્શાવતું અભિનય ગીત રજુ કરવામાં આવ્યું હતું. તાલુકા શાળાના બાળકોને વ્યસન મુક્તિનો સંદેશ આપતું નાટક દ્વારા ગ્રામજનોને વ્યસન મુક્તિ અંગે સંદેશ આપ્યો હતો. ત્રણેય શાળાના વિદ્યાર્થીઓ દ્વારા પોતાની ભાષામાં વકતૃત્વ શૈલી રજૂ કરવામાં આવી હતી. કાર્યક્રમનું સંચાલન માધ્યમિક શાળાના શિક્ષક શ્રી ઝાલા દ્વારા કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
