Author: નોબત સમાચાર
મકાનના ઝઘડામાં સગા ભાઈ પર ભાઈ ભત્રીજા, ભાભી સહિત છએ કર્યાે હુમલો
ભાભીએ પણ દિયર-દેરાણી સામે કરી ફરિયાદઃ
જામનગર તા. ૧૨: જામનગરના શંકરટેકરી ઉદ્યોગનગર પાણાખાણમાં મકાન બાબતે બે ભાઈ વચ્ચે ચાલતા ઝઘડા દરમિયાન ગઈકાલે એક ભાઈ તેના પત્ની તથા સાસુ પર ચાર મહિલા સહિત છએ હુમલો કરી માર માર્યાે હતો. આ ફરિયાદની સામે ભાભીએ પણ દિયર, દેરાણી સહિત ચાર સામે હુમલાની ફરિયાદ કરી છે.
જામનગરના ઉદ્યોગનગર પાણાખાણની શેરી નં.પમાં રહેતા ડોલરભાઈ મંગાભાઈ લીંબડને તેના સગા ભાઈ જગદીશ મંગાભાઈ લીંબડ સાથે મકાન બાબતે ઝઘડો ચાલતો હતો. તે દરમિયાન જગદીશભાઈએ આ મકાન અન્ય વ્યક્તિને વેચી નાખ્યું હતું અને તેની પાસેથી ડોલરભાઈએ મકાન ખરીદી લીધુ હતું.
આ મુદ્દાથી ઝઘડો વધુ વકર્યાે હતો. તેનો ખાર રાખી ગઈકાલે બપોરે જગદીશભાઈ તેમજ તરૂણ જગદીશભાઈ, જયોત્સનાબેન જગદીશભાઈ, શારદાબેન મંગાભાઈ, વસંતબેન સુખદેવભાઈ, કાજલ સુખદેવભાઈ તંબોલીયાએ ધોકા, પાઈપથી હુમલો કરી ડોલરભાઈ તથા તેમના પત્ની અને સાસુને માર માર્યાે હતો. આ વેળાએ ડોલરભાઈએ પોલીસને ફોન કરતા વસંતબેન અને કાજલબેને તારા ટાંટીયા ભંગાવી નાખવા છે, જીવતો રહેવા દેવો નથી તેવી ધમકી આપી હતી. આ બાબતની સિટી સી ડિવિઝનમાં ડોલરભાઈએ ફરિયાદ નોંધાવી છે. પોલીસે ચાર મહિલા સહિત છએય સામે ગુન્હો નોંધ્યો છે.
આ ફરિયાદની સામે જયોત્સનાબેન જગદીશભાઈ લીંબડે વળતી ફરિયાદ નોંધાવી છે. જેમાં તેઓએ જણાવ્યા મુજબ તેમનું જૂનું મકાન અગાઉ એક વ્યક્તિને વેચી નાખવામાં આવ્યું હતું. તે મકાન તેમના દિયર ડોલરભાઈ લીંબડે ખરીદ્યુ હતું. તે પછી વેચી નખાયેલા મકાનમાં પોતાનો રહી ગયેલો સામાન ભરવા માટે ગઈકાલે જયોત્સનાબેન તથા તેમના પતિ, સાસુ જતા સામાન ભરવા ન દઈ ડોલર તેમજ ક્રિષ્નાબેન ડોલરભાઈ, જયોત્સનાબેન ખોડુભાઈ રાંદલપરા, યોગેશ ખોડુભાઈએ બોલાચાલી કર્યા પછી કપડા ધોવાના ધોકા તથા પાઈપથી હુમલો કરી માર માર્યાે હતો. પોલીસે આ ફરિયાદ પણ રજીસ્ટરે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
