Author: નોબત સમાચાર
વારંવાર ફોન કરવાની બાબતે બોલાચાલી પછી ગાંધીનગરમાં યુવાન પર છરીથી હલ્લો
ક્રિકેટ બોક્સમાં બેટથી બે ભાઈને ધોકાવાયાઃ
જામનગર તા. ૧૨: જામનગરના ગાંધીનગર વિસ્તારમાં મંગળવારની રાત્રે એક યુવાન પર ત્રણ શખ્સે છરીથી હુમલો કર્યાે હતો. ઈજા પામનાર અને હુમલાખોર બંને જૂના મિત્ર છે. તેમાં વારંવાર ફોન કરવાની બાબતે બોલાચાલી પછી છરીથી હુમલો કરાયો હતો. જ્યારે ખંભાળિયા બાયપાસ પાસે ક્રિકેટના બોક્સમાં ઝઘડો થયા પછી બે ભાઈ પર ચાર શખ્સ બેટ વડે તૂટી પડ્યા હતા.
જામનગરના બેડેશ્વર વિસ્તારમાં રહેતા રમઝાન અકબરભાઈ ખુરેશી ઉર્ફે અસલમ ફકીર નામના યુવાનના જૂના મિત્ર વનરાજસિંહ વાળાએ મંગળવારે કહ્યું હતું કે, ઈદ નિમિત્તે તારે કપડા લેવા હોય તો મારા એક મિત્રની દુકાન છે ત્યાં જજે અને મને ફોન કરાવજે.
મિત્રના કહ્યા મુજબ રમઝાન મંગળવારે સાંજે તે દુકાને ગયો હતો જ્યાં તેણે બે જોડી કપડા પસંદ કર્યા પછી વનરાજસિંહને ફોન કરતા તેણે કોલ ઉપાડ્યો ન હતો. તેથી રમઝાને દસેક જેટલા કોલ કર્યા હતા પરંતુ એકેય કોલ રીસીવ થયો ન હતો. તે પછી રાત્રે વનરાજે ફોન કરીને કહ્યું હતંંુ કે આટલા ફોન કેમ કરશ તેથી રમઝાને કહ્યું હતું કે, તે જ ફોન કરવાનું કહ્યું હતું. આ બાબતે બંને વચ્ચે બોલાચાલી થયા પછી વનરાજને મળવા બાઈક પર ગાંધીનગર તરફ આવતા રમઝાન પર વનરાજસિંહ અને બે અજાણ્યા શખ્સે છરી વડે હુમલો કરી ઈજા પહોંચાડી હતી. રમઝાને સિટી-બી ડિવિઝન પોલીસ સ્ટેશનમાં તેની ફરિયાદ નોંધાવી છે.
જામનગરના પટેલ કોલોની વિસ્તારની શેરી નં.૨માં રહેતા હિતેશ ગોવિંદરામ મેઘરાજાણી અને તેના ભાઈ પર ગઈ તા.૯ની રાત્રે ક્રિકેટ રમવાની બાબતે ખંભાળિયા બાયપાસ નજીક ક્રિકેટના બોક્સમાં દિવ્યેશ વધવા, પિન્ટુ પંડયા અને બે અજાણ્યા શખ્સે બેટથી હુમલો કરી માર માર્યાે હતો. હિતેશે પંચકોશી-બી પોલીસ સ્ટેશનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
