Author: નોબત સમાચાર
જામનગર જિલ્લાના મોટા ઈંટાળા ગામમાં વિજ્ઞાન જાથા દ્વારા યોજાયો લોકજાગૃતિ કાર્યક્રમ
ભૂતપ્રેત-ડાકણનો વહેમ અને ડર રાખવો નહીઃ જયંતભાઈ પંડ્યા
અમદાવાદ તા. ૧રઃ જામનગર જિલ્લાના મોટા ઈટાળા ગામમાં ધ્રોલના લેઉવા પટેલ સેવા સમાજ સંચાલિત શ્રીમતી ડો. એચ.કે. મુંગરા કન્યા વિદ્યાલય દ્વારા વિજ્ઞાન જાથાના સહયોગથી અંધશ્રદ્ધા નિવારણ પણ ચમત્કારથી ચેતોનો લોક જાગૃતિ કાર્યક્રમ યોજાયો હતો. જેનું ઉદ્ઘાટન કોલેજના સંચાલક વિજયભાઈ મુંગરાએ કર્યું હતું. સરપંચ વિજયભાઈ ભંડેરી, તા.પં. સભ્ય મનસુખભાઈ ભંડેરી, ગણેશભાઈ મુંગરા, રતિભાઈ મુંગરા તથા ગામના આગેવાનો હાજર રહ્યા હતાં.
કોલેજના પ્રિન્સીપાલ ડો. પ્રવિણાબેન તારપરાએ પ્રાસંગિક ઉદ્બોધન કર્યું હતું. વિજ્ઞાન જાથાના રાજ્ય ચેરમેન એડવોકેટ જયંતભાઈ પંડ્યાએ ભૂત-પ્રેત-ડાકણનો વહેમ અને ડર કાઢી નાખવા જણાવ્યું હતું. આ ઉપરાંત તેમણે પૂર્નજન્મ, મૃત્યુ પછીના રિવાજો, ગ્રહોની અસરની વાતો, વાસ્તુશાસ્ત્ર, જયોતિષ શાસ્ત્ર, હસ્તરેખા વગેરે કલ્પીત હોવાનું જણાવ્યું હતું. આ સાથે તેમણે કેટલાક ચમત્કારિક પ્રયોગો બતાવીને કેવી રીતે થઈ શકે તેનું નિર્દેશન આપ્યું હતું.
કાર્યક્રમને સફળ બનાવવા શાળાના ટ્રસ્ટી વિજયભાઈ મુંગરા, આચાર્યા ડો. પ્રવિણાબેન તારપરા, પ્રોગ્રામ ઓફિસર પુનિતાબેન મછોયા, કૃપાલીબેન ગજેરા, છાત્રા લીડર દિયા ચાંગાણી, શ્રેયા ભંડેરી, ચાર્મી વસોયાએ જહેમત ઉઠાવી હતી. પ્રયોગોમાં જાથાના વિનોદ વામજા, અંકલેશ ગોહિલ, રોમિતભાઈ રાજદેવ, નિર્ભય જોશી, નાથાભાઈ પીપળીયા, ભાનુબેન ગોહિલ અને સ્થાનિક કાર્યકરો જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
