Author: નોબત સમાચાર
ચોરીમાં સંડોવાયેલા શખ્સની ધરપકડ
રૂ. ૫૬૦૦ રોકડા સહિતનો મુદ્દામાલ મળ્યોઃ
જામનગર તા. ૩૦ઃ જામનગરના નૂરી ચોકડી વિસ્તારમાં શંકાસ્પદ હાલતમાં આંટાફેરા મારતા શખ્સને પોલીસે પકડી પાડી પૂછપરછ કરતા તેણે એક ચોરીની કબૂલાત આપી છે. તેના કબજામાંથી રૂ. ૫૬૦૦ રોકડા વગેરે મુદ્દામાલ કબજે થયો છે.
જામનગરના સિટી એ ડિવિઝન પોલીસ સ્ટેશનના સ્ટાફ દ્વારા ગઈકાલે કરવામાં આવી રહેલા પેટ્રોલિંગમાં નૂરી ચોકડી પાસે એક શખ્સ શંકાસ્પદ હાલતમાં આંંટાફેરા કરતો હોવાની વિગત હે.કો. શૈલેષ ઠાકરીયા, હિતેશ સાગઠીયાને મળતા પીઆઈ એન.એ. ચાવડાને વાકેફ કરાયા પછી પીએસઆઈ એમ.એન. રાઠોડના વડપણ હેઠળ પોલીસ ટીમ દોડી ગઈ હતી. તે સ્થળેથી ગુલાબનગર નજીક રાધાકૃષ્ણ પાર્કમાં રહેતો ઋષિ જયંતિભાઈ પરમાર નામનો શખ્સ મળી આવ્યો હતો. આ શખ્સની તલાશી લેવાતા રૂ. ૫૬૦૦ રોકડા, બે આધારકાર્ડ, લાયસન્સ મળી આવ્યા હતા. તે અંગે પૂછપરછ કરાતા આ શખ્સે તે ચીજ વસ્તુ ચોરી કર્યાની કબૂલાત આપી છે. પોલીસે તેની ધરપકડ કરી મુદ્દામાલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
