Author: નોબત સમાચાર
રાજકોટના ટીઆરપી ગેમઝોનમાં ગજબની લાલિયાવાડીઃ 'ઈમરજન્સી' એકઝીટ જ નહોતું!
'સીટ' દ્વારા તલસ્પર્શી તપાસ કરતા અનેક ત્રુટિઓ સામે આવી, જેમાં ઘણી તો અક્ષમ્ય ગણાય
નવી દિલ્હી તા. ૩૦ઃ રાજકોટના ટીઆરપી ગેમ ઝોનના અગ્નિકાંડમાં ર૮ નિર્દોષ માણસોનો જીવ લેનાર ઘટનાની 'સીટ' દ્વારા તપાસ કરવામાં આવી છે અને ગંભીર ત્રુટિઓનો પર્દાફાશ થયો છે.
'સીટ' દ્વારા એક મહત્ત્વની ખામીએ દર્શાવાઈ છે કે આવડા મોટા ગેમ ઝોનમાંથી બહાર નીકળવા માટે ઈમર્જન્સી એકઝીટ જ ન્હોતું જેના કારણે મુલાકાતીઓને બહાર નીકળવાની તક જ ન મળી અને ર૮ લોકો જીવતા ભુંજાઈ ગયા. રાજકોટ અગ્નિ દુર્ઘટનાની તપાસ કરી રહેલી એસઆઈટીએ ટીઆરપી ગેમ ઝોનના પ્રમોટરો દ્વારા કરવામાં આવેલી ગંભીર ભૂલોને સૂચિબદ્ધ કરી છે જેના કારણે રપ મેના રોજ મનોરંજન સુવિધામાં ર૮ લોકોના જીવતા ભુંજાયા હતાં.
એસઆઈટીના રિપોર્ટમાં પ્રાથમિક તારણો સૂચવે છે કે અલગ પ્રવેશ અને બહાર નીકળવાના દરવાજા રાખવાને બદલે, નેશનલ બિલ્ડિંગ કોડ અને ફાયર સેફટી નિયમો હેઠળ નિર્ધારિત સ્પષ્ટીકરણો અનુસાર કોઈ ફરજિયાત ઈમરજન્સી એક્ઝિટ વિના મુલાકાતીઓને પ્રવેશવા માટે માત્ર એક સાંકડો માર્ગ હતો. તપાસમાં એવું પણ બહાર આવ્યું છે કે અંદર સૂચિત સ્નો પાર્કના નિર્માણ માટે વેલ્ડીંગનું કામ હાથ ધરવામાં આવ્યું હતું. પ્રથમ દૃષ્ટિએ આગ લાગી હતી. ઓપરેટરોએ એ હકીકતની અવગણના કરી કે ગેમિંગ ઝોનમાં ખૂબ જ જવલનશીલ સામગ્રી છે.
આ ઉપરાંત, જ્યાં વેલ્ડીંગ કરવામાં આવી રહ્યું હતું ત્યાં ફોમ અને ટાયર હતા, જે અત્યંત જવલનશીલ છે. તેમ ટાઈમ્સ ઓફ ઈન્ડિયાનો રીપોર્ટ જણાવે છે. એસઆઈટીના વડા સુભાષ ત્રિવેદીએ ગાંધીનગરમાં મીડિયાને જણાવ્યું હતું કે ગેમિંગ ઝોનમાં ૩૦ લીટર પેટ્રોલનો સંગ્રહ કરવામાં આવ્યો હતો, જે અનુમતિપાત્ર મર્યાદા કરતાં ઘણું વધારે છે. પેટ્રોલિયમ એકટ હેઠળ જવાબદારો સામે કાર્યવાહી કરવામાં આવશે.
રેસ્ટોરન્ટ અને સૂચિત સ્નો પાર્ક વચ્ચે ૪-પ ફૂટની સાંકડી જગ્યામાં પ્રથમ માળે પહોંચવા માટે મેટલની સીડી મૂકવામાં આવી હતી, જેમાં બોલિંગની સુવિધા અને ટ્રેમ્પોલિન પાર્ક રાખવામાં આવ્યો હતો. આગ સ્ટ્રકચરમાં ફેલાઈ જતાં પહેલાં માળે પહોંચવું કે નીચે ઉતરવું અશક્ય હતું. રાજકોટ ગેમિંગ ઝોનના સંચાલકોએ ર૦ર૩ની આગની ચેતવણીની અવગણના કરી, માલિકો મુલાકાતીઓની સલામતી પ્રત્યે ઉદાસીન હતા તે આ ઘટના પરથી સ્પષ્ટ થાય છે કે અંદર સ્થાપિત એકમાત્ર ફાયર હાઈડ્રેન્ટ સિસ્ટમમાં પાણીનું કનેકશન નહોતું, આમ આગના કિસ્સામાં તે નકામું ઠરે છે. આમ સીટની તલસ્પર્શી તપાસ દરમિયાન આ ગેમઝોનને લઈને સંબંધિત તમામ તંત્રો અને મનપાએ આંખ આડા કાન કર્યા હોવાનું પુરવાર થવા જઈ રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
