Author: નોબત સમાચાર
હેલ્થ ઈન્સ્યુરન્સ કલેઈમના નિયમોમાં સુધારો
ઈરડાની નવી માર્ગદર્શિકા
નવી દિલ્હી તા. ૩૦ ઃ સારવાર માટે હોસ્પિટલમાં દાખલ થયા પછી, સારવારનો ખર્ચ આરોગ્ય વીમા દ્વારા આવરી લેવામાં આવે છે, પરંતુ કલેમ સેટલમેન્ટની લાંબી પ્રક્રિયા દર્દી અને તેના પરિવારને મુશ્કેલીમાં મૂકે છે. સારવાર પૂરી થયા બાદ ડોકટર દ્વારા ઘરે જવાની પરવાનગી આપવામાં આવે છે, પરંતુ હેલ્થ ઈન્સ્યોરન્સ કલેઈમ સેટલમેન્ટ માટેનો સમય એટલો લાંબો થઈ જાય છે કે દર્દીને ઘણા કલાકો સુધી હોસ્પિટલમાં રાહ જોવી પડે છે. સંબંધીઓ ટીપીએ ડેસ્ક પર આવતા રહે છે અને દર્દી ઘરે પાછા ફરવાની રાહ જુએ છે, પરંતુ હવે આ કલાકોની રાહનો અંત આવશે. હેલ્થ ઈન્સ્યોરન્સના કલેમ સેટલમેન્ટના નિયમોમાં ફેરફાર થશે.
ઈન્સ્યોરન્સ રેગ્યુલેટરી બોડી ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા એ સ્વાસ્થ્ય વીમા સંબંધિત નિયમોમાં કેટલાક ફેરફારો કર્યા છે. નવા ફેરફારો વીમા ધારકોને રાહત આપશે. આઈઆરડીએઆઈ એ આરોગ્ય વીમા પરના પપ પરિપત્રોને રદ કરતો મુખ્ય પરિપત્ર બહાર પાડ્યો છે. નવા માસ્ટર સર્ક્યુલર મુજબ હેલ્થ ઈન્સ્યોરન્સ પોલીસીધારકોના દાવા હવે ૩ કલાકમાં સેટલ થઈ જશે.
આઈઆરડીએઆઈએ સકર્યુલર દ્વારા વીમા ધારકોને મોટી રાહત આપી છે. હવે પોલીસી ધારકોને કલેમ સેટલમેન્ટ માટે રાહ જોવી પડશે નહીં. આઈઆરડીએઆઈના નવા પરિપત્ર મુજબ, હોસ્પિટલમાંથી ડિસ્ચાર્જની વિનંતી મળ્યાના બે કલાકમાં કલેમ સેટલમેન્ટ કરવાનું રહેશે. આઈઆરડીએઆઈ એ ર૯ મે ર૦ર૪ ના રોજ એક નવો પરિપત્ર બહાર પાડ્યો છે. નવા પરિપત્રમાં કહેવામાં આવ્યું છે કે કોઈ પણ સંજોગોમાં પોલીસીધારકે હોસ્પિટલમાંથી રજા મેળવવા માટે રાહ જોવી પડશે નહીં. ઈન્સ્યોરન્સ રેગ્યુલેટરે કંપનીઓને સૂચના આપી છે કે જો પોલિસીધારકના કલેમ સેટલમેન્ટમાં ૩ કલાકથી વધુ સમય લાગે અને હોસ્પિટલ વધારાનો ચાર્જ વસૂલે તો વધારાની રકમ વીમા કંપનીને ચૂકવવી પડશે.
વીમા નિયમનકારે જણાવ્યું હતું કે જો પોલીસીધારક સારવાર દરમિયાન મૃત્યુ પામે છે, તો વીમા કંપની કલેમ સેટલમેન્ટની વિનંતી પર તરત જ પગલાં લેશે. તે જ સમયે, આઈઆરડીએઆઈ એ નિર્ધારિત સમયની અંદર ૧૦૦ ટકા કેશલેસ કલેમ સેટલમેન્ટ કરવા માટે વીમા કંપનીઓને કડક સૂચના આપી છે. કટોકટીની સ્થિતિમાં, કેશલેસ વિનંતી પર નિર્ણય ૧ કલાક અંદર લેવાનો રહેશે. તે જ સમયે, વીમા કંપનીઓને ડિઝિટલ મોડ દ્વારા પોલીસીધારકોને પૂર્વ-અધિકૃતતા પ્રક્રિયા પ્રદાન કરવાની પણ સલાહ આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
