Author: નોબત સમાચાર
ચંગામાંથી સગીરાનું અપહરણ કરી લેનાર મધ્યપ્રદેશના શખ્સની અટક
પોલીસ ટૂકડી આરોપીને મધ્યપ્રદેશથી પકડી લાવીઃ
જામનગર તા. ૩૦ઃ જામનગરના ચંગા ગામમાંથી એક સગીરાનું અપહરણ કરાયાની પોલીસમાં ફરિયાદ થયા પછી આરોપીના દબાવાઈ રહેલા સગડ વચ્ચે મધ્યપ્રદેશ ધસી ગયેલી પોલીસ ટીમે આરોપીને સગીરા સાથે અટકાયતમાં લીધો છે. બંનેને જામનગર ખસેડાયા છે.
જામનગર-લાલપુર ધોરીમાર્ગ પર આવેલા ચંગા ગામમાંથી ચાલુ વર્ષે એક સગીરાનું અપહરણ કરાયાની પોલીસમાં ફરિયાદ કરવામાં આવી હતી. તે સગીરાને મધ્ય પ્રદેશના ધાર જિલ્લાના ઢુકની ગામનો વતની અને ચંગા ગામના વાડી વિસ્તારમાં મજૂરી કરતો સુભાષ મોતીલાલ મેડા નામનો શખ્સ નસાડી ગયો હોવાનું ખૂલ્યું હતું.
આ શખ્સના સગડ દબાવાઈ રહ્યા હતા. જેમાં આરોપી મધ્યપ્રદેશમાં હોવાની વિગતો પ્રાપ્ત થતાં પીએસઆઈ સી.એમ. કાંટેલીયાની રાહબરી હેઠળ સ્ટાફના મેરૂભાઈ, ખીમાભાઈ, સુમિતભાઈ, ચંદ્રેશભાઈની ટીમ મધ્યપ્રદેશ દોડી ગઈ હતી.
ત્યાં ધાર જિલ્લાના દિગ્યાન ગામમાંથી સગીરા સાથે સુભાષ મોતીલાલ મળી આવ્યો હતો. બંનેને અટકાયતમાં લઈ જામનગર ખસેડવામાં આવ્યા છે. પ્રોબે. આઈપીએસ અજય કુમાર મીણાના વડપણ હેઠળ આગળની કાર્યવાહી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
