Author: નોબત સમાચાર
પ્રેમલગ્નનો ખાર રાખી યુવાનની માતા પર ધ્રોલના મહિલાએ ધોકાથી કર્યાે હલ્લો
નવાગામ ઘેડમાં યુવકને બે શખ્સે માર માર્યાે:
જામનગર તા. ૨૮: જામનગરના નવાગામ ઘેડમાં પોતાના મોટાબાપુને ગાળો ભાંડતા શખ્સને અટકાવવા ગયેલા ભત્રીજાને બે શખ્સે ધોકાથી માર માર્યાે છે. જ્યારે એક મહિલાના પુત્રએ પ્રેમલગ્ન કરતા તેનો ખાર રાખીને આ યુવાનના માતા પર એક મહિલાએ બેઝબોલના ધોકાથી હુમલો કરી બાઈકમાં પણ નુકસાન કર્યું છે.
જામનગરના નવાગામ ઘેડ વિસ્તારમાં આવેલા હનુમાન ચોકમાં રહેતા રોહિત સુભાષભાઈ મેરાણી નામના યુવાનના મોટાબાપુ પ્રેમજીભાઈ ને ગઈકાલે બપોરે ટીંબાફળીમાં નરેન્દ્રસિંહ રાયજાદા ઉર્ફે ગોટલી નામનો શખ્સ ગાળો ભાંડતો હતો.
ત્યાં જઈ રોહિતે ગાળો બોલવાની ના પાડતા ગોટલી તથા એક અજાણ્યા શખ્સે ધોકા વડે હુમલો કરી રોહિતને માર માર્યાે હતો. બંને સામે સિટી બી ડિવિઝન પોલીસ સ્ટેશનમાં ફરિયાદ કરવામાં આવી છે.
ધ્રોલ શહેરના ખારવા રોડ પર શ્રીરામ પાર્કમાં રહેતા જાનવીબેન હેમાંગભાઈ દવે નામના મહિલાના પુત્રએ ધ્રોલના જ એક યુવતી સાથે બે મહિના પહેલાં પ્રેમલગ્ન કર્યા હતા. તેનો ખાર રાખી ગયા બુધવારે બપોરે તેમના ઘરે ધસી આવેલા ગીતાબેન ધર્મેન્દ્રભાઈ આશા નામના મહિલાએ ઝઘડો કરી ગાળો ભાંડવા ઉપરાંત પોતાની પાસે રહેલા બેઝબોલના ધોકાથી બારીનો કાચ ફોડી નાખવા ઉપરાંત મોટરસાયકલની ટાંકીમાં ધોકાના ફટકા માર્યા હતા અને જાનવીબેનને પણ ધોકો માર્યાે હતો. ધ્રોલ પોલીસે તે મહિલા સામે ગુન્હો નોંધ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
